Jeova el sang nuh sel Solomon lahlmwetmwet yohk ac kunohkohn na wo se in muhsahelah tempuhl, tuhsruhktuh el kais kuhtuh srihsrihk ne forlah liki Jeova. Kom fin sie pahpah kuh ninac, ahkuhtweyac nuh sin tuhlihk nuhtum lah mwet suc alu nuh sin god kikiacp kihfasuhllah fuhkah Solomon in forlah liki God. Tohkohsrahi kihtakatwelihk, ac tohkohsrah koluk eltahl kol mwet Israel in forlah liki Jeova ac alu nuhke ma sruhloaclah. Ke puhlanpacl se inge, puhs sin mwet pahluh oaru luhn Jeova kalyeiyuck ac acnwucki. Kasra Jezebel el oruh tuh sruf singucul luhn Israel in forlah liki alu pwacye. Pacl upac pa inge ke mwe sramsram luhn Israel. Tuhsruhktuh, srackna oasr mwet kuhlwacnsap pucspucs suc  oaru nuh sin Jeova in acn Israel, weluhlacng Tohkohsrah Jehoshaphat ac mwet pahluh Elijah.