Kahs in Muhtwacwacack nuhke Section 6
Ke pacl se mwet Israel uh sun Facl Wuhlelah, lohm nuknuk muhtahl pa orekmakihnyuck in orek alu nuh sin Jeova. Mwet tol elos luti Masap ac mwet nuhnuhnkuh uh kol muhtuhnfacl se. Section se inge ahkkahlwemye lah sulaclah luhn mwet se ac kuh in kahsruh kuh ahkmuhnahsye mwet sahyac uh. Oasr kunohkohn luhn kais sie mwet Israel nuh sin Jeova ac nuh sin mwet sahyac uh. Ahkkahlwemye lah Deborah, Naomi, Joshua, Hannah, tuhlihk muhtwacn se nahtuhl Jephthah, ac Samuel eltahl mwe srihkasrak wo nuh sin mwet ke acn selos. Ahkkahlwemye pac lah finne mwet sac, oacna Rahab, Ruth, Jael, ac mwet Gibeon, eltahl sulaclah pac in wi lacyen mwet Israel mweyen elos etuh lah God el weluhlos.
KE SECTION SE INGE
MWE LUTLUT 29
Jeova El Sulacllah Joshua
God el sang kahs in kolyuck nuh sel Joshua ma kuh in kahsre kuht pacna ke pacl lasr inge.
MWE LUTLUT 30
Rahab El Okanlah Mwet Kalngeyuck
Pot luhn Jericho rahki. Tuhsruhktuh lohm sel Rahab tu na tiac muhsahllah, finne ma inge oasr in pot uh.
MWE LUTLUT 31
Joshua ac Mwet Gibeon
Joshua el puhruhe nuh sin God: “Faht, tui fin acn Gibeon!” Yac God el tohpohklah?
MWE LUTLUT 32
Mwet Kol Sasuc Se ac Muhtwacn Puhlaik Luo
Tukun Joshua el misac,mwet Israel eltahl alu nuh sin ma sruhloaclah. Eltahl puhla moul upac, ne ohinge mwe kahsruh tuhkuh ke inkacnek lal mwet nuhnuhnkuh Barak, Deborah muhtwacn pahluh se, ac Jael wi sahk soko in sruokyac lohm nuknuk sac!
MWE LUTLUT 33
Ruth ac Naomi
Muhtwacn luo suc mukul tuhmwacltahl kewa misac, eltahl fohlohklac nuh in acn Israel. Sie seltahl, Ruth, el som in orekma ke imac, ac Boaz el liyacl we.
MWE LUTLUT 34
Gideon El Kuhtanglah Mwet Midian
Tukun mwet Midian oruh moul luhn mwet Israel in upaclah, mwet uh siyuck kahsruh sin Jeova. U srihsrihk ke mwet mweun lal Gideon kuhtanglah fuhkah mwet mweun 135,000 luhn mwet lokoalok?
MWE LUTLUT 35
Hannah El Puhruhe Ke Sie Tuhlihk Mukul
Elkanah el us Hannah, Peninnah, ac tuhlihk nahtuhl in alu nuh sin God ke lohm nuknuk muhtahl in Shiloh!
MWE LUTLUT 36
Wuhlelah lal Jephthah
Wuhlelah fuhkah Jephthah el oraclah, ac efuh? Ohiyac fuhkah tuhlihk muhtwacn se nahtuhl Jephthah inge el ahkkahlwemye ke wuhlelah luhn pahpah tuhmwacl ah?
MWE LUTLUT 37
Jeova El Sramsram nuh sel Samuel
Tuhlihk mukul luo nuhtin mwet tol fuhlwact Eli eltahl kuhlwacnsap oacna mwet tol ke lohm nuknuk muhtahl, tuhsruhktuh eltahl tiac ahkos masap luhn God. Tuhlihk fuhsr se inge Samuel el siena ac Jeova el sramsram nuh sel Samuel.
MWE LUTLUT 38
Jeova El Oracl Samson In Arlacna Fokoko
God el oracllah Samson in arlac kuh in lain mwet Philistia, tuhsruhktuh ke pacl se Samson el oruh sulaclah na koluk se, mwet Philistia sruokilyac.
