ДӘРСА 21
Мьзгинийа Хере Ча Те Бәлакьрьне?
Йаһоԝа ԝе зутьрәке бь сайа Пʹадшатийа хԝә һʹәму проблемед мә бьдә һьлдане. Әв мьзгини шабунәкә мәзьн тинә у һʹәму мәрьв гәрәке әве мьзгинийе бьбьһен. Иса дьхԝазә ԝәки пәйчуйед ԝи әве мьзгинийе һʹәму мәрьварʹа бәла кьн (Мәтта 28:19, 20). Шәʹдед Йаһоԝа ча әве тʹәмийа Иса тиньн сери?
1. Ча рʹожа иро гьлийед жь Мәтта 24:14 тенә сери?
Иса гот: «Әв Мьзгинийа Пʹадшатийе ԝе ль нав тʹәмамийа дьнйайе бе даннасинкьрьне» (Мәтта 24:14). Шәʹдед Йаһоԝа бь шабуне ԝи шьхӧле фәрз тиньн сери. Әм әве мьзгинийе нав тʹәмамийа дьнйайе сәр 1 000 зьмана зедәтьр бәла дькьн! Сәва кӧ әви шьхӧле мәзьн биньн сери, лазьм ә ԛәԝат у тʹәрбәти. Әԝ шьхӧл бе аликʹарийа Йаһоԝа ԝе нәһата сери.
2. Әм чь дькьн ԝәки мәрьварʹа мьзгинийе бәла кьн?
Әм мьзгинийе һʹәму дәра бәла дькьн, кʹидәре кӧ мәрьв һәнә. Мина Мәсиһийед ԛьрʹна йәке, әм мал бь мал хьзмәт дькьн (Кʹаред Шандийа 5:42). Әв метод али мә дькә кӧ һәр сал бь милйона мәрьварʹа мьзгинийе бәла кьн. Щара мәрьв малда ниньн, ләма әм ԝан щийа жи мьзгинийе бәла дькьн, кʹидәре кӧ гәләк мәрьв тʹоп дьбьн. Әм тʹьме мәщала дьгәрʹьн, ԝәки мәрьварʹа дәрһәԛа Йаһоԝа у нетед ԝи гьли кьн.
3. Кʹи щабдар ә мьзгинийа хере бәла кә?
Һʹәму Мәсиһийед рʹаст щабдар ьн мәрьварʹа мьзгинийе гьли кьн. Әԝ щабдари гәләк фәрз ә. Әм чьԛас дькарьн, хьзмәт дькьн, чьмки заньн кӧ әʹмьре мәрьва ве йәкева гьредайи йә (Бьхунә 1 Тимотʹейо 4:16.) Әм бона ԝи шьхӧли пʹәра настиньн, чьмки Кʹьтеба Пирозда те готьне: «Ԝә беһәԛ стандийә, беһәԛ жи бьдьн» (Мәтта 10:7, 8). Нә һʹәму мәрьв әве мьзгинийе ԛәбул дькьн. Ле йәкә әм насәкьньн у әԝи шьхӧли бәрдәԝам дькьн, чьмки бь ԝе йәке әм гӧрʹа Йаһоԝа дькьн у дьле ԝи ша дькьн.
КʹУР ЛЕКОЛИН КӘ
Һе зедә пебьһʹәсә кӧ Шәʹдед Йаһоԝа чь дькьн, ԝәки нав тʹәмамийа дьнйайе мьзгини бәла бә, у ӧса жи пебьһʹәсә кӧ ве йәкеда Йаһоԝа ча али мә дькә.
Хьзмәти нав тʹәмамийа дьнйайе: (А) Коста Рика, (Б) Дәԝләтед Йәкбуйи, (Щ) Бенин, (Ч) Тайланд, (Чʹ) Йап, (Д) Шԝедйа
4. Чь дәсте мә те әм дькьн, ԝәки һʹәму мәрьварʹа мьзгинийе гьли кьн
Шәʹдед Йаһоԝа чь дәсте ԝан те дькьн, ԝәки һʹәму щийа мәрьварʹа мьзгинийе гьли кьн. Вехә ВИДЕО, у паше әве пьрсе шеԝьр кә:
-
Чь тә хԝәш те ве йәкеда, кӧ Шәʹдед Йаһоԝа чь дькьн ԝәки мьзгинийе бәла кьн?
Бьхунә Мәтта 22:39 у Рʹомайи 10:13-15, у паше ван пьрса шеԝьр кә:
-
Хьзмәтийа мә ча дьдә кʹьфше, ԝәки әм бона мәрьва хәм дькьн?
-
Йаһоԝа ча дьньһерʹә сәр ԝан мәрьва, йед кӧ мьзгинийа хере бәла дькьн? (Бьньһерʹә рʹеза 15.)
5. Әм һәвалкʹаред Хԝәде нә
Гәләк мәсәлә һәнә, кʹижан кӧ дьдьнә кʹьфше ԝәки хьзмәтийеда Йаһоԝа рʹебәрийе мә дькә. Мәсәлә, Зәланда Нуда, бьраки мә наве кʹижани Паул ә, чахе мал бь мал хьзмәт дькьр, рʹасти кʹӧлфәтәке һат. Һәма ве рʹоже шәбәԛе, әве кʹӧлфәте наве Хԝәде, Йаһоԝа, һьлдабу у жерʹа дӧа кьрьбу. Дӧада әԝе жь Хԝәде һиви кьрьбу, ԝәки кәсәк бе тʹәсәлийа ԝе бькә. Паул дьбежә, «һәма се сьһʹәт паши дӧайе ԝе кʹӧлфәте, мьн дәре ԝе хьст».
Бьхунә 1 Корьнтʹи 3:9, у паше әве пьрсе шеԝьр кә:
-
Мәсәлед мина мәсәла Паул жь Зәланда Ну, ча дьдьнә кʹьфше, ԝәки Йаһоԝа рʹебәрийа шьхӧле бәлакьрьна мьзгинийе дькә?
Бьхунә Кʹаред Шандийа 1:8, у паше әве пьрсе шеԝьр кә:
-
Чьрʹа мәрʹа аликʹарийа Йаһоԝа лазьм ә, ԝәки хьзмәтийа хԝә һʹәта хьлазийе биньн сери?
Ԝә заньбу?
Әм һәр һʹәфти щьватеда, рʹебәрийе бона хьзмәткьрьне дьстиньн. Һәрге тӧ чуйи ве щьвате, гьли кә тӧ чь дьфькьри дәрһәԛа ве һинкьрьне.
6. Әм тʹәмийа Хԝәде тиньн сери
Ԛьрʹна йәкеда мәрьвед мьԛабьл дьхԝәстьн пәйчуйед Иса бьдьнә сәкьнандьне, ԝәки әԝана мьзгинийе бәла нәкьн. Ле ԝана бь ԛануни изьна хԝә дьпʹараст, кӧ мьзгинийа хере бәла кьн (Филипи 1:7). Иро жи Шәʹдед Йаһоԝа ӧса дькьн. a
Бьхунә Кʹаред Шандийа 5:27-42, у паше әве пьрсе шеԝьр кә:
-
Чьрʹа әме нәсәкьньн мьзгинийе бәла кьн? (Бьньһерʹә рʹезед 29, 38 у 39.)
ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Чьрʹа Шәʹдед Йаһоԝа мал бь мал хьзмәт дькьн?»
-
Тӧйе ча щаба хԝә бьди?
ТʹӘМАМКЬРЬН
Иса тʹәми да пәйчуйед хԝә ԝәки һʹәму мьләтарʹа мьзгинийе бәла кьн. Йаһоԝа али щьмәʹта хԝә дькә, ԝәки әԝи шьхӧли биньн сери.
Ԝәкʹьландьн
-
Ча мьзгинийа хере нав тʹәмамийа дьнйайеда те бәлакьрьне?
-
Хьзмәтийа мә ча дьдә кʹьфше ԝәки әм бона мәрьва хәм дькьн?
-
Тӧ ча дьфькьри, бәлакьрьна мьзгинийе дькарә шабуне мәрʹа бинә? Чьрʹа?
ҺЕ ЗЕДӘ ПЕБЬҺʹӘСӘ
Бьньһерʹә кӧ Шәʹдед Йаһоԝа шәһәред мәзьнда ча хьзмәт дькьн.
«Хьзмәткьрьна Париседа ль Ԝан Щийа, Кʹидәре кӧ Гәләк Мәрьв Һәнә» (5:11)
Шәʹдед Йаһоԝа чь дькьн, ԝәки али ԝан хәриба бькьн, йед кӧ жь ԝәлатед хԝә рʹәви нә?
Бьньһерʹә кӧ ча хьзмәтийа һәртʹьм жийина мәрийа бәхтәԝар дькә.
Пебьһʹәсә кӧ ча бь аликʹарийа һьнә сафикьрьнед диԝане хьзмәти һеса бу.
«Мьзгинванед Пʹадшатийе Шьхӧл Дьдьнә Диԝане» («Пʹадшатийа Хԝәде Сәрԝертийе Дькә!», сәре 13)
a Хԝәде хԝәха тʹәми дайә кӧ мьзгинийа хере бәла кьн, ләма жи бона ве йәке Шәʹдед Йаһоԝарʹа изьна мәрьва нәлазьм ә.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
