Ang Mabudlay Pangitaon nga “Coelacanth”
Ang Mabudlay Pangitaon nga “Coelacanth”
SUNO SA MANUNULAT SANG MAGMATA! SA KENYA
SANG Abril 2001, nadakpan ang isa ka babayi nga coelacanth (ginasambit nga see-la-kanth) sa baybayon sang Kenya. * Ang isda nagalaba sing 1.7 metros kag nagabug-at sing 77 kilos. Ang coelacanth makilala paagi sa tatlo sing siwil nga ikog kag asul nga duag nga may puti nga mga pintokpintok.
Ginapatihan anay nga ang coelacanth madugay na nga napapas. Nian, sang 1938, may nadakpan nga coelacanth sa baybayon sang Bagatnan nga Aprika. Isa ini sang labing makatilingala nga mga natukiban nga sapat sang ika-20 nga siglo. Antes sini, nakilal-an lamang ining isda sa mga rekord sang fossil. Sugod sang may nadakpan na nga isa, ang iban nga mga coelacanth nakit-an sa Mozambique kag Madagascar. Madamo man ang nakit-an sa Comoro Islands.
Ang itlog sang babayi nga mga coelacanth wala nagaboto sa tubig. Sa baylo, mga ovoviviparous sila—ang ila itlog nagatubo kag nagaboto sa sulod mismo sang lawas sang babayi ukon sa gilayon pagkatapos ini mabun-a. Disisiete sini nga mga itlog—ang kada isa pareho kadaku sa bola sang tennis—ang nakuha sa nadakpan nga babayi sang nagligad nga tuig.
Ang mga tinuga sa kadagatan kaangay sang coelacanth nagapadaku sang nanuhaytuhay nga pagdesinyo kag kaalam sang ila Manunuga, si Jehova nga Dios.—Salmo 148:7.
[Nota]
^ par. 3 Ang ngalan nga coelacanth ginkuha sa Griegong mga tinaga nga koilos (wala unod) kag akantha (taludtod), nga nagalaragway sa wala sing unod nga sirik sang isda.
[Picture Credit Line sa pahina 19]
Retrato kag mga drowing: Ichthyology Department/NATIONAL MUSEUMS OF KENYA