Sang Agosto 14, 2021, gintay-ug sang magnitude 7.2 nga linog ang southwestern Haiti, kag ginsundan ini sang mga aftershock. Wala pa nabal-an kon daw ano ka daku nga halit ang epekto sini nga linog.

• Nasubuan gid kita nga 3 ka sister ang napatay

• 21 ka kauturan ang nasamaran

• 119 ka balay ang naguba

• 72 ka balay ang nawasak gid

• 5 ka Kingdom Hall ang may gamay nga guba

• 4 ka Kingdom Hall ang naguba gid

• May ginporma na nga Disaster Relief Committee (DRC) para magpanguna sa pagbulig. Nagabuligay ang DRC kag ang 2 ka manugtatap sang sirkito upod sa mga gulang para magbulig kag mag-shepherding sa mga naapektuhan

• Ang DRC ang nagaorganisar sang pagpanagtag sang mga kinahanglanon nga suplay pareho sang habol, bayo, pagkaon, bulong, trapal, kag tubig. May ginhimo naman sila nga kahimusan para mabulong ang mga kauturan nga nasamaran

• Ginasunod sang tanan nga nagboluntaryo sa pagbulig ang tanan nga safety protocol nga ginapatuman bangod sa COVID-19

Mabudlay gid katama ang sitwasyon sang mga kongregasyon sa naapektuhan nga mga lugar. Pero bisan pa sini, nakahiwat sila gihapon sang meeting paagi sa videoconference sina nga Domingo, Agosto 15. Ang dalayawon pa gid kay natan-aw gihapon sang mga kauturan ang Domingo sang aga nga programa sang “Mabakod Bangod sang Pagtuo!” nga Kombension.

Nasubuan gid kita sa pagkapatay sang aton tatlo ka sister. Ginapangamuyo gid naton ang aton mga kauturan nga nagapangasubo, ang mga nasamaran, kag ang mga na-stress bangod sini nga linog. Kabalo kita nga nakita ni Jehova ang ila kasakit. Kabalo man kita nga padayon nila nga mangin dalangpan kag kusog si Jehova sa sining tion sang kalisdanan.—Salmo 46:1, 2.