MARSO 13, 2024
BALITA SA BILOG NGA KALIBUTAN
Ang Libro sa Biblia nga Mateo Gin-release sa Australian Sign Language
Sang Marso 2, 2024, gin-release ni Brother Hideyuki Motoi, miembro sang Branch Committee sa Australasia, ang libro sa Biblia nga Mateo sa Australian Sign Language, nga ginatawag man nga Auslan, sa isa ka espesyal nga programa nga ginhiwat sa isa ka Kingdom Hall sa Brisbane, Australia. Sa kabilugan, 159 ka kauturan ang nag-attend sa programa sing face-to-face. May dugang nga 377 halin sa Australia, New Zealand, kag Samoa ang nag-tie in sa programa paagi sa videoconference. Puede na dayon ma-download ini nga release sa jw.org kag sa JW Library Sign Language nga app.
Ginabanta nga may mga 20,000 ka tawo nga nagaistar sa Australia, New Zealand, Samoa, kag Tonga ang nagagamit sang Australian Sign Language ukon pareho man sini nga sign language. Ang mga Saksi ni Jehova nagsugod sa pag-translate sang mga publikasyon nga nabase sa Biblia sa Australian Sign Language sang 2001. Ang pinakauna nga na-translate nga publikasyon amo ang brosyur nga Kon ang Isa nga Ginahigugma Mo Mapatay. Gintukod ang isa ka remote translation office sa Brisbane sang Abril 2023. Subong, halos 350 ka kauturan ang nagaalagad sa isa ka sign-language nga kongregasyon kag 18 ka group sa bilog nga teritoryo sang branch.
Amo ini ang pinakauna nga kompleto nga libro sa Biblia nga na-translate sa Australian Sign Language. Pagkatapos mabaton ini nga libro, ang isa ka sister nagsiling: “Ang gugma kag kaayo sa mga ginsiling ni Jesus sa Sermon sa Bukid nagtandog gid sang akon tagipusuon. Sang ginatan-aw ko ini sa Australian Sign Language, pamatyag ko daw ako gid ang ginaistorya niya!”
Ang isa ka apa nga sister nga nagaalagad sa sign-language nga kongregasyon sa Brisbane nagsiling: “Bangod may ara na sang libro sang Mateo sa Australian Sign Language, makabulig gid ini sa akon nga mas mailog pa gid ang mga kinaiya ni Jesus kag mangin mas epektibo pa gid sa pagbantala. Salamat Jehova!”
Nalipay kita sa gin-release nga libro sa Biblia nga Mateo sa Australian Sign Language. Nagasalig kita nga makabulig ini sa mas madamo pa nga tawo nga makita ang makitid nga gawang nga nagapadulong sa kabuhi.—Mateo 7:13, 14.
Basi Manamian Ka Man
MGA PIRME GINAPAMANGKOT
May Kaugalingon Bala nga Biblia ang mga Saksi ni Jehova?
Mas mapuslanon ang imo pagtuon sa Biblia kon maggamit ka sing sarisari nga translation. May tatlo ka rason kon ngaa ilakip mo ang New World Translation of the Holy Scriptures.
KON PAANO GINAGAMIT ANG IMO MGA DONASYON
Paghimo sang Pinakaimportante nga Libro
Indi bastabasta ang pag-translate, pag-print, kag pag-bind sang Bag-ong Kalibutan nga Badbad.
MGA PIRME GINAPAMANGKOT
Nagapati Bala ang mga Saksi ni Jehova sa Daan nga Testamento?
May mga bahin bala sang Biblia nga daan na? Hibalua kon paano ang mga Cristiano makabenepisyo sa kasaysayan kag praktikal nga laygay sa Hebreo nga Kasulatan.