Saumi na Taro Vakaivolatabu
Era na rawa ni bula tale na mate?
Ena veivakabulai dina na Dauveibuli
E ivurevure ni bula na Kalou o Jiova. (Same 36:9) Vakacava, ena dredre vua na Kalou me vakabulai ira na sa mate? E vakadeitaka na iVolatabu ni cakava sara ga qori ena dua na gauna se bera mai. (Wilika Cakacaka 24:15) Na cava me veivakabulai kina?
A inaki taumada ni Dauveibuli meda bula tawamudu e vuravura. (Vakatekivu 1:31; 2:15-17) Se vinakata tiko ga me yaco na inaki qori. Dua na ka nona rarawa ni raica na veika eda sotava tiko nikua—na levu ni leqa, e lekaleka tale ga na bula.
Era na bula e vei o ira na vakaturi?
A buli keda na Kalou meda bula e lomalagi? Sega. A buli ira na agilosi me nodra itikotiko qori. O keda e noda na vuravura. (Vakatekivu 1:28; Jope 38:4, 7) Vakasamataka mada na nona veivakaturi o Jisu. A vakaturi ira na mate mera bula ga ena vuravura qo. Era na va tale ga qori o ira na vakaturi ena dua na gauna e se bera mai, nira na bula ga e vuravura.
Ia sa digitaka tu na Kalou e vica mera vakaturi i lomalagi ena yago vakayalo. (Luke 12:32; 1 Korinica 15:49, 50) O ira na vakaturi i lomalagi era na veiqaravi vakatui kei Karisito mera liutaki vuravura.
Rawa ni o Wilika Tale ga
NA VALE NI VAKATAWA
Nodra iNuinui na Mate—O na Vakadeitaka Vakacava?
Vakamacalataki ena iVolatabu e rua na vuna e rawa ni nuitaki kina na veivakaturi.
SAUMI NA TARO VAKAIVOLATABU
Na Cava na Veivakaturi?
O na rairai kurabui ena nodra vakaturi mai e levu.
SAUMI NA TARO VAKAIVOLATABU
O Cei ena Lai Bula i Lomalagi?
E dua na rai cala e kilai levu oya na nodra lai bula i lomalagi na tamata vinaka. Na cava sara mada e kaya na iVolatabu?
