Jope 38:1-41

  • Veivakavulici o Jiova ena somidi ni tamata (1-41)

    • ‘O tu i vei ni buli na vuravura?’ (4-6)

    • Era kaila nira vakasausau na luve ni Kalou (7)

    • Taro me baleta na ka e dau yaco ena veikabula (8-32)

    • “Lawa e lewa tu na lomalagi” (33)

38  E qai vosa vei Jope o Jiova mai na cagi kaukaua:+   “O cei qo e vakabuawataka tiko na noqu ivakasalaQai vosa tiko ena lecaika?+   Yalovinaka, vakarautaki iko vaka na tagane,Au na vakatarogi iko, mo qai tukutuku mai.   O tu mada mai vei niu tauyavutaki vuravura?+ Tukuna mai ke o nanuma ni o kila.   O kila se o cei e lewa na kena ivakarau,Se o cei e dodoka na wa ni vakarau me vakarautaki kina?   E vakasoburi ena cava na kena duru,Se o cei e biuta na vatu me kena ivakadei,+   Nira kaila vata ena marau na kalokalo ni mataka,+Qai tekivu kaila ena vakasausau o ira kece na luve ni Kalou?*+   O cei tale ga e latia na wasawasa ena katuba+Ni kacabote mai na katonigone,   Niu vakaisulutaka ena oQai solega* ena butobuto loaloa, 10  Niu lewa na kena iyalayalaQai biuta na kena ivakadei kei na kena katuba,+ 11  Au qai kaya, ‘Mo yaco ga i ke, kua ni sivia,Me yala i ke na nomu ua viavialevu’?+ 12  O sa bau* vakarota na matakaSe vakatakila ina mataka na vanua me kida kina,+ 13  Me taura na iyalayala kei vuravuraQai kureitaka laivi na daucaka ca?+ 14  Sa vuki me vaka na tete e tabaki e delana na ivakadei,Qai laurai levu na ka kece me vaka ena isulu. 15  Ia na nodra rarama na daucaka ca sa tarovi tu,Sa musuki tale ga na ligadra e laveti tu. 16  O sa bau siro ina ivurevure ni wasawasaSe vakadidike ena wasa titobu?+ 17  Vakacava sa vakatakilai vei iko na matamata ni mate,+Se o sa bau raica na matamata ni butobuto loaloa?*+ 18  O bau kila se vakacava na vakaitamera ni vuravura?+ Tukuna mai ke o sa kila kece qo. 19  I vei na itikotiko ni rarama?+ I vei tale ga na itikotiko ni butobuto, 20  Mo kauta sara ina kena vanuaMo kila tale ga na sala ina kena vale? 21  Vakacava, o kila qo ni o sa sucu otiQai levu na iwiliwili ni nomu yabaki?* 22  O sa bau curu ina veivaleniyau e maroroi tu kina na ucacevata,+Se o sa raica na veivaleniyau e maroroi tu kina na uca qereqere,+ 23  Au a maroroya tu me baleta na gauna ni rarawa,Na siga ni vala kei na ivalu?+ 24  E dau tawase mai vei na rarama,*E liwa mai vei na tokalau e dela i vuravura?+ 25  O cei e taya na sala me muria na waluvuQai cakava na sala ni o loaloa kei na kurukuru,+ 26  Me vakatauca na uca ena vanua e sega kina na tamata,Ena vanua talasiga e sega kina na tamata,+ 27  Me mamau kina na vanualala sa vakacacani tuMe buroro tale ga kina na co?+ 28  Vakacava e vakatamani na uca,+Se o cei e tama ni tegu?+ 29  E basika mai na katonigone i cei na waicevata,O cei tale ga e vakasucuma na tegu cevata ni lomalagi+ 30  Ni ubi na wai me vaka ena vatu,Qai cevata kaukaua tu na dela ni wasa titobu?+ 31  O rawa ni vesuka na dali ni matakalokalo na Kaima,*Se sereka na wa ni matakalokalo na Kesili?*+ 32  O rawa ni liutaka yani e dua na matakalokalo* ena kena gauna? Se tubera na matakalokalo na Esi* kei ira na luvena? 33  O kila na lawa e lewa tu na lomalagi,+Se o rawa ni surevaka na kena lewa e vuravura? 34  O rawa ni tabalaka na domomu ina oMe tauci iko na uca bi?+ 35  O rawa ni tala na liva mera veitibiyaki? Era na mai tukuna vei iko, ‘O keimami qo!’ 36  O cei e biuta na vuku e loma ni o,*+Se solia na yalomatua ina veika vakatubuqoroqoro ni lomalagi?*+ 37  O cei e vuku sara me wilika na o,Se o cei e rawa ni vakala na itawatawa ni wai kei lomalagi+ 38  Ni tasova na kuvuniqele ina dua na ibinibiniQai kabi vata na uma qele?  39  O rawa ni vakasasataka na kena na laioneSe vakamamautaka na luvenilaione nira sa viakana+ 40  Nira davo toka ena nodra itikotikoSe ra vuni tiko ena nodra qara mera vakarau oba yani? 41  O cei e vakarautaka na kedra kakana na reveni+Nira tagi ni kere veivuke na luvena vua na Kalou,Qai lako sese voli ni sega na kedra?

iVakamacala e ra

Dua na ivosavosa vakaIperiu e dusi ira na agilosi era luve ni Kalou.
Se “ologa.”
Ipe., “na nomu siga.”
Se “iyaloyalo ni mate.”
Ipe., “veisiga.”
Se rawa ni, “liva.”
Rairai na veikalokalo ni Peliatisi ena matakalokalo na Taurusi.
Rairai na matakalokalo na Oraioni.
Ipe., “o Masaroci.” Ena 2 Tui 23: 5, na vosa veiwekani e vakayagataki kina e baleta na matakalokalo ni sotiaki.
Rairai na matakalokalo o Bea Vakaitamera (Urusa Levu).
Se rawa ni, “vua na tamata.”
Se rawa ni, “vakasama.”