Nac oes. Pwrpas y cwrs ydy dangos beth mae’r Beibl yn ei ddysgu. Mae miliynau o bobl wedi ei fwynhau heb ddod yn un o Dystion Jehofa. a Rydyn ni’n deall bod ffydd yn rhywbeth personol, felly mae i fyny i chi beth rydych chi’n ei wneud â’r hyn rydych chi’n ei ddysgu.​—Josua 24:15.

Ydw i’n cael defnyddio fy Meibl fy hun yn ystod yr astudiaeth?

 Ydych. Rydyn ni’n mwynhau defnyddio Cyfieithiad y Byd Newydd b am ei fod yn hawdd ei ddeall. Cewch chi gopi am ddim os ydych chi eisiau un, neu mae ’na groeso ichi ddefnyddio eich Beibl eich hun. Mae neges y Beibl am obaith ac achubiaeth yn dod drosodd mewn bron pob cyfieithiad.

Pam rydych chi’n astudio â phobl sydd ddim yn ymuno â chi?

•   Yn bennaf, am ein bod ni’n caru Jehofa Dduw. Mae ef eisiau inni rannu beth rydyn ni wedi ei ddysgu ag eraill. (Mathew 22:37, 38; 28:19, 20) Rydyn ni’n teimlo ei fod yn fraint i gyd-weithio â Duw drwy helpu eraill i ddysgu beth sydd yn ei Air.​—1 Corinthiaid 3:​6-9.

•   Rydyn ni hefyd yn gwneud hyn am ein bod ni’n caru ein cymdogion. (Mathew 22:39) Mae rhannu pethau hyfryd rydyn ni wedi ei ddysgu yn dod â llawenydd mawr inni.​—Actau 20:35.