Labib i reponn

Eski Labib i vreman Parol Bondye?

Ou ti pou ekspekte ki Parol Bondye i inik, koumsanmenm ki Labib i ete. Bilyon kopi in ganny enprimen dan plizyer santenn langaz. Lasazes ki sorti dan Labib i annan pouvwar pour sanz dimoun e fer zot vin meyer.​—Lir 1 Tesalonisyen 2:13; 2 Timote 3:16.

Nou konnen ki Labib i sorti kot Bondye akoz sa ki i dir lo lavenir i egzakt. Okenn imen pa kapab fer sa lo limenm. Pran konman legzanp liv Izai. En kopi sa liv ki ti’n ganny ekrir plis ki en syek avan nesans Zezi, ti ganny trouve dan en kavern o bor Lanmer Mor. I dir ki lavil Babilonn ti pou napa personn ki ti pou reste laba. Sa ti premyerman akonpli plizyer lannen apre minister Zezi lo later.​—Lir Izai 13:19, 20; 2 Pyer 1:20, 21.

Ki mannyer Labib ti ganny ekrir?

Labib ti ganny ekrir dan en lespas plis ki 1,600 zan. I ti annan anviron 40 ekriven Labib e zot ti swiv en sel tenm san kontredir kanmarad. Ki mannyer sa ti posib? Bondye ti gid zot.​—Lir 2 Samyel 23:2.

Parfwa Bondye ti servi bann lanz, vizyon oubyen rev pour koz avek bann ekriven Labib. Souvandfwa, Bondye ti met son nide dan lespri bann ekriven e permet zot swazir bann mo ki zot ti pou servi pour transmet mesaz Bondye.​—Lir Revelasyon 1:1; 21:3-5.

Pour plis lenformasyon, vwar sapit 2 dan liv Ki Labib i vreman dir? pibliye par Temwen Zeova

Ou kapab download li lo www.jw.org

[Portre lo paz 16]

Roulo Izai

[Sorti kot]

Portre Shrine of the Book, © Mize Izrael, Zerizalenm