Jiowa a efeiéchú Salomon ren an fang ngeni watteen tipáchem me ngeni ewe wis mi aúchea an epwe aúetá ewe imwenfel, nge ekis me ekis a likitaaló Jiowa. Iká en emén sam are in, kopwe áwewe ngeni noum we semirit ifa ussun án ekkewe mi fel ngeni kot chofona ra erikaló Salomon seni Kot. Ewe mwú a kinikinfesen, me ekkewe king mi ngaw ra efisi án ekkewe aramas repwe wiliiti chón rikiló me fel ngeni kot chofona. Lón ena atun, chómmóng néún Jiowa kewe soufós mi túppwél ra kúna riáfféúmwáál me ninniiló. Kiwin Jesepel a fen alapaaló án ewe mwúún Israel mi nóm ennefen wiliiti chón rikiló. A mmen áweires ena fansoun. Nge a chúen wor ekkóch iir mi túppwél lón ar angang ngeni Jiowa lein ekkewe chón Israel, kapachelong King Jeosafat me ewe soufós Elias.