Menlapen Kinikin 3
Ewe Paipel ese kon fósun chómmóng aramas mi angang ngeni Jiowa lón ekkewe ier mwirin ewe Noter. Eperiam, i emén mi angang ngeni Jiowa me a silleló pwe i chiechian. Pwata aramas ra erá pwe i chiechien Jiowa? Iká en emén sam are in, álisi noum we le silei pwe Jiowa a aúcheani i me a mochen álisi. Ussun chék Eperiam me ekkewe pwal ekkóch mwán mi túppwél, áwewe chék ren Lot me Jekop, sia tongeni tingorei Jiowa an álillis fansoun meinisin. Sia fókkun lúkú pwe Jiowa epwe apwénúetá meinisin an kewe pwon.
LÓN EI KINIKIN
LESEN 7
Ewe Imw Tekia lón Papel
Ekkóch aramas ra filaatá le aúetá eú telinimw me eú imw tekia, ungan epwe tori láng. Pwata Kot a mwittir siwili án ekkewe aramas fós?
LESEN 8
Eperiam me Sara Ra Álleasochisi Kot
Pwata Eperiam me Sara ra likitaaló nónnómur lón ewe telinimw ren ar repwe sái ngeni ewe fénú Kenan?
LESEN 9
A Kerán Wor Néúr Át!
Ifa ussun Kot epwe apwénúetá an pwon ngeni Eperiam? Ié me lein néún Eperiam kewe át, Aisek are Ismael?
LESEN 10
Chechchemeni Pwúlúwen Lot we
Kot a apúngatiw ekkei me primiston wóón Sotom me Komora. Pwata ekkena telinimw ra taló? Pwata a lamot sipwe chechchemeni pwúlúwen Lot we?
LESEN 11
A Kúna Sóssótun An Lúkú
Kot a ereni Eperiam: ‘Kese mochen kopwe angei noum we áláemén pwe kopwe eáni asor ngeniei wóón ewe chuuk Moria.’ Ifa ussun Eperiam a likiitú ngeni sóssótun an lúkú?
LESEN 12
Jekop A Angei ewe Álemwir
A wor néún Aisek me Repeka nippwe át, iter Iso me Jekop. Pokiten Iso a akkomw uputiw, a wor álemwirian mi aúchea. Pwata a fangoló fán iten chék eú sepien mwéngé?
LESEN 13
Jekop me Iso Ra Efisi Kinamwe Lefiler
Ifa ussun sia silei pwe Jekop a mochen epwe angei feiéch seni ewe chónláng? Ifa ussun a efisi kinamwe lefilan me Iso?
