Ekkewe chón Israel ra tori ewe Chuuk Sinai, ruu maram mwirin ar feiló seni ewe Setipar. Me ikkena ie, Jiowa a féri eú pwonen etipeeú ngeni Israel pwe epwe wiliiti mwúún mi aúchea. A túmúnúéchúúr me a awora ngeniir meinisin met mi lamot ngeniir ussun chék ren ewe mana pwe repwe mwéngé, úfer ese kan mesiló, me leenier mi núkúnúkéch repwe tongeni nónnóm ie. Iká en emén sam are in, álisi noum we le weweiti pwata Jiowa a ngeni chón Israel ewe Allúk, ewe imwenfel mangaku, me ekkewe souasor. Menlapei lamoten ach sipwe apwénúetá ach pwon, tittipetekison, me túppwél ngeni Jiowa fansoun meinisin.