Menlapen Kinikin 2
Pwata Jiowa a aworato eú noter mi nieló aramas wóón fénúfan? Me lóóm a poputá eú fiu lefilen éch me ngaw. Ekkóch leir, áwewe chék ren Atam, If, me Ken, ra filaatá le féri met mi ngaw. Nge ekkóch, áwewe chék ren Epel me Noa, ra filaatá le féri met mi éch. Lape ngeni aramas ra féri met mi kon ngaw iwe Jiowa a nieló meinisin ekkewe aramas mi ngaw. Ei kinikin epwe álisikich le silei pwe Jiowa a kúna menni pekin sia filaatá le pekini me esap pwal mut ngeni met mi ngaw an epwe okkufu met mi éch.
LÓN EI KINIKIN
LESEN 3
Atam me If Ra Álleasolapa Kot
Pwata a aúchea ewe efóch irá lón ewe tánipiin Ichen? Pwata If a ochooch ena féún irá?
LESEN 4
Efeiengawen án Emén Meefi Song
Kot a etiwa án Epel we asor nge esap Ken. Atun Ken a silei ena, a fókkun song me féri och mettóch mi ngaw.
LESEN 5
Falaen Noa we Waimw
Atun ekkewe chónláng mi ngaw ra pwúlúweni ekkewe fefin wóón fénúfan, ra néúnatiw ekkewe át mi fókkun watte mi eriáfféwú aramas. Féfférún akkachofesá a nóm ekis meinisin. Nge Noa a sókkóló seniir meinisin pokiten a tongei me álleasochisi Kot.
LESEN 6
Wanimén Ra Manaw
Atun ewe Noter, a púng rán ren úkúúkún 40 rán me 40 pwiin. Noa me an we famili ra nóm lón ewe waimw lap seni eú ier. Mwirin, Kot a ereniir pwe ra tongeni towu.
