Jises a feito fénúfan pwe epwe fangoló manawan fán iten aramas rese unuséch. Inaamwo iká a máló, nge a okkufu fénúfan. Jiowa a túppwél ngeni Néún we me a amanawasefáli. Jises a tipetekison le angang ngeni ekkewe ekkóch me omusaaló tipisiir atun ra mwáálliló tori an a máló. Mwirin an manawsefál, Jises a pwá ngeni néún kewe chón káé. A áiti ngeniir ifa ussun repwe féri ewe angang mi aúchea a ewisa ngeniir ar repwe féri. Iká en emén sam are in, álisi noum we le aúcheani pwe a wor wisach lón ena angang lón ei fansoun.