Si Adan ug Eva nakabatog mga anak, ug ang mga tawo midaghan sa yuta. Sa ulahi, ang pipila ka anghel miduyog kang Satanas sa pagrebelde.

Sila nanaog sa yuta ug nagsul-ob ug lawas sa mga lalaki aron makigminyo sa mga babaye. Ang mga babaye nanganak ug mga anak nga pintas ug mas kusgan kay sa normal nga mga tawo.

Ang kalibotan napunog daotang mga tawo. Ang Bibliya nag-ingon nga “grabe na ang pagkadaotan sa mga tawo sa yuta ug daotan kanunay ang naa sa ilang hunahuna ug kasingkasing.”

Si Noe maoy maayong tawo. Gisultihan ni Jehova si Noe nga Iyang laglagon ang daotang mga tawo pinaagig dakong lunop.

Gisultihan usab sa Diyos si Noe nga maghimog dakong barko, nga tawgon ug arka, ug pasudlon didto ang iyang pamilya ug ang tanang matang sa hayop.

Gipasidan-an ni Noe ang mga tawo sa nagsingabot nga Lunop, apan sila wala mamati. Ang uban nasuko ug nagbiaybiay kaniya.

Sa dihang nahuman ang arka, gipasulod ni Noe ang mga hayop.