[lagmit nagkahulogang “Si Jah [Nagpadangat ug] Naglagiting nga Kainit”].

1. Usa ka prominenteng Levihanon nga mibalik sa Jerusalem kauban ni Zorobabel niadtong 537 W.K.P.​—Neh 12:​1, 8.

2. Usa ka Levihanon nga naggikan kang Mali; “usa ka tawo nga maalamon” kinsa gipatawag sa pag-uban kang Esdras sa iyang panaw paingon sa Jerusalem niadtong 468 W.K.P. (Esd 8:​17, 18) Siya lagmit mao ra usab ang “pangulo sa mga saserdote” nga gihisgotan sa Esdras 8:​24, usa niadtong gisaligan sa pagdala ngadto sa Jerusalem sa bililhong mga butang nga giamot aron gamiton sa templo.​—Esd 8:25-30.

3. Usa ka Levihanon nga mitabang kang Esdras sa pagbasa ug pagpatin-aw sa Balaod ngadto sa katawhan nga nagkatigom sa Jerusalem human matukod pag-usab ang paril niadtong 455 W.K.P. (Neh 8:​2, 7, 8) Sa ulahi, sa mao ra usab nga bulan, sila nagkatigom pag-usab ug si Serebias miduyog sa paghimog “usa ka kasaligang kontrata,” nga giratipikar o gipalig-on sa nasod nga misaad nga magpabiling matinumanon kang Jehova. (Neh 9:​1, 4, 5, 38) Kini nga Serebias lagmit mao ra usab ang Levihanon sa Num. 2, nga personal nga nagpamatuod sa pakigsaad, o siya tingali usa ka hawas sa usa ka banay nga nagbaton niini nga ngalan, ug tingali kaliwat sa Num. 1.​—Neh 10:​1, 9, 12; 12:24.