Usa ka dapit nga gikampohan sa Israel didto sa kamingawan. Ingon sa gihisgotan ilalom sa ulohang BENE-JAAKAN, ang pagtandi sa Numeros 33:31-33 ug sa Deuteronomio 10:​6, 7 daw nagpakita nga ang mga Israelinhon kaduha moagi niini nga rehiyon, diin ang Hor-hagidgad gitawag ug “Gudgoda” diha sa ulahing pagpanaw. (Tan-awa ang GUDGODA.) Ang tukmang nahimutangan niini dili matino. Apan, gituohan sa daghang eskolar nga ang Hor-hagidgad (Gudgoda) lagmit mao ang usa ka dapit nga anaa sa Wadi Khadakhid, mga 65 km (40 mi) sa AAK sa Gulpo sa ʽAqaba.