1. Ang “amahan” sa balay ni Rekab ug usa ka katigulangan sa pipila ka Kenihanon.​—1Cr 2:55.

2. [Dapit sa Mainit (nga Tubod)].

Usa ka kinutaang siyudad sa Neptali. (Jos 19:​32, 35) Gituohan sa kadaghanan nga kini mao ang Hammam Tabariyeh (Hame Teveriya), nga H lamang sa Tiberias sa K nga kiliran sa Dagat sa Galilea. Mopatim-aw nga ang tubod didto nga may asupre mao ang gigikanan sa ngalan sa Hammat. Kon, sumala sa gituohan sa kadaghanang eskolar, ang Hamot-dor (Jos 21:32) ug Hamon (1Cr 6:76) maoy lain nga mga ngalan sa mao ra nga dapit, ang Hammat maoy usa usab ka Levihanong siyudad.