[ג].

Ang ikatulong letra sa Hebreohanong alpabeto. Kini ang kinahumokan sa mga letra nga litokon gikan sa alingagngag gawas sa yohdh [י] ug sagad nga katumbas sa Cebuanong “g” sa dihang kini adunay tulbok (daghesh lene); apan kon kini walay tulbok kini litokon nga mas humok, nga litokon gikan mismo sa tutonlan. (Tan-awa ang HEBREOHANON, II.) Sa Hebreohanon, kini mao ang unang letra sa pangbukas nga pulong sa matag usa sa walo ka bersikulo sa Salmo 119:17-24.