[Balay ni Rapa].

Ang maong ngalan makita diha sa 1 Cronicas 4:12 nga didto giingon nga si Eston “nanganak kang Bet-rapa.” Tungod kay gigamit ang “Bet” (nagkahulogang “Balay”) diha sa maong ngalan, natukmod ang daghang komentarista sa paghunahuna nga kini nagtumong sa “balay” sa usa ka banay o sa usa ka dapit. Ang Commentary on the Old Testament ni Keil ug Delitzsch (1973, Tomo III, 1 Chronicles, p. 88) nag-ingon: “Si Eston ang nagpundar sa balay (sa banay) ni Rapa, nga kaniya wala nay dugang gisulti pa; kay sila dili mahimong ilangkit sa Benjaminhong si Rapa (viii. 2) ni sa mga anak ni Rapa (xx. 4, 6, 8).”