Kining literal nga pagkahubad nga ekspresyong “mga balay sa kalag” lagmit nagtumong sa “mga sudlanag pahumot.” Kini lagmit gipabitay pinaagig usa ka kadenita o kulentas ug gisul-ob sa ‘mapahitas-ong mga anak nga babaye sa Zion’ diha sa ilang mga liog.​—Isa 3:​16, 18, 20.

Ang Hebreohanong ekspresyon niini maoy bot·tehʹ han·neʹphesh. Niini nga kahimtang, ang neʹphesh (kalag) mahimong magpasabot sa “butang nga gihanggab” o “gisimhot,” ug ang bot·tehʹ (mga balay sa) mahimong magkahulogan nga “mga sudlanan sa.”