[lagmit, Siyudad].

Usa ka siyudad sa Moab, lagmit ang kaulohan niini. Nahimutang kini sa H nga bahin sa Walog sa Arnon, apan ang eksaktong lokasyon niini dili matino. (Num 21:15) May mga panahon nga ang Ar gigamit ingong katumbas sa Moab. (Deu 2:​9, 18, 29) Dihay panahon nga ang mga utlanan sa Moab nakaabot sa A sa Arnon,  apan kini nga rehiyon giilog gikan kanila ni Haring Sihon nga hari sa mga Amorihanon. (Num 21:26-28) Ang mga Israelinhon wala moatake sa Moab sanglit gidid-an sila ni Jehova, kay gihatag na ang ‘teritoryo sa Moab, nga mao ang Ar,’ ngadto sa mga anak ni Lot “aron mapanag-iya.” (Deu 2:​9, 18, 29) Diha sa iyang pahayag sa kalaglagan batok sa Moab, si Isaias mitagna nga ang Ar ‘pahilomon’ duyog sa uban pang pangunang mga siyudad sa Moab.​—Isa 15:1.

Sanglit ang ngalang Ar lagmit nagkahulogang “Siyudad,” ang pipila nagtuo nga ang “siyudad sa Moab” (Heb., ʽir Moh·ʼavʹ) nga gihisgotan sa Numeros 22:36 ug usab ang “siyudad” sa Deuteronomio 2:36 parehong nagtumong sa Ar.