KON NGANONG IMPORTANTE: Daghan sa mga buta ang dili komportable nga makig-estorya sa mga dili nila kaila. Busa gikinahanglan ang kahanas aron masangyawan sila. Gimahal ni Jehova ang mga buta ug naghunahuna siya sa ilang kaayohan. (Lev 19:14) Atong masundog si Jehova pinaagi sa pagtabang sa mga buta nga makaila kaniya.

KON UNSAON PAGHIMO:

• “Pangitaa” ang mga buta. (Mat 10:11) Naa ba kay kaila nga may paryente nga buta? Naa bay mga eskuwelahan, nursing home, o ubang pasilidad sa inyong teritoryo nga gustog mga publikasyon para sa mga buta?

• Magpakitag personal nga interes. Ang imong pagkamahigalaon ug sinserong interes makatabang sa mga buta aron komportable silang makig-estorya nimo. Sulayi ang pagsugod ug panaghisgot gamit ang topiko nga makapainteres sa inyong teritoryo

• Pagtaganag espirituwal nga tabang. Aron matabangan ang mga buta o kadtong dili kaayo makakita, ang organisasyon naghimog literatura diha sa lainlaing format. Pangutan-a ang indibiduwal kon unsa nga format ang iyang gusto. Seguroon sa tigdumala sa pag-alagad nga ang tig-atiman sa literatura nakahimog request para sa format sa literatura nga gipili sa tawong buta