Samtang nagbasa ug nagtuon kag publikasyon sa JW Library, puwede kang mag-highlight ug mga pulong o phrase.

Sunda ang mosunod nga mga instruksiyon kon unsaon pagbutang ug highlight:

 Kon Unsaon Pagbutang ug Highlight

Dunay duha ka paagi sa pagbutang ug highlight.

I-tap ang usa ka pulong aron ma-select ni. Gamita ang handles para i-adjust ang range sa pag-select ug mga pulong. Paglutaw sa context menu, pindota ang Highlight button; dayon pagpilig kolor nga i-highlight.

Makagamit ka sab ug pen sa pag-highlight ug pulong o phrase. Butangig highlight ang pulong diha sa screen sama sa imong paggamit ug highlighter diha sa printed nga panid. Molutaw kadiyot ang context menu. Imo ning magamit para makapili kag kolor o aron tangtangon ang highlight.

 Kon Unsaon Pag-ilis ug Pagtangtang sa Highlight

Para ilisan ang kolor sa highlight, i-tap ang na-highlight nga pulong dayon pagpilig bag-ong kolor. Para matangtang ang highlight, i-tap ang na-highlight nga pulong dayon i-tap ang Delete button.

Kini nga features gi-release niadtong Nobyembre 2015 diha sa JW Library 1.6, nga compatible sa Windows 8.0 o sa mas bag-ong mga version. Kon dili nimo makita kini nga mga feature, palihog sunda ang mga instruksiyon sa artikulong “Kon Unsaon Paggamit sa JW Library​—Windows,” ubos sa Gamita ang Kinabag-ohang Features.