Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

JW LIBRARY

Kon Unsaon Pag-download ug Pag-manage sa mga Bibliya—Android

Kon Unsaon Pag-download ug Pag-manage sa mga Bibliya—Android

Ang pagbasa ug pagtuon sa Bibliya maoy pangunang feature sa JW Library.

Sunda ang mosunod nga mga instruksiyon kon unsaon pag-download ug pag-manage sa mga Bibliya:

 Kon Unsaon Pag-download ug Bibliya

Puwedeng i-download ang lain-laing hubad sa Bibliya aron mabasa ug matun-an ni offline.

  • I-open ang navigation drawer, dayon pindota ang Bible para makita ang mga basahon sa Bibliya.

  • Pindota ang Languages button para makita ang tanang available nga Bibliya. Nag-una sa listahan ang mga hubad sa Bibliya nga kanunay nimong gigamit. Puwede sab nimong i-search ang pinulongan o ang hubad sa Bibliya. Pananglitan, kon itayp nimo ang “int” makita nimo ang Kingdom Interlinear, kon “port” makita nimo ang mga Bibliya sa Portuguese.

  • Makita ang cloud icon sa mga Bibliya nga wala pa ma-download. Pindota ang Bibliya nga i-download. Humag download, mawala na ang cloud icon. Pindotag usab ang Bibliya para mabasa ni.

Kon dili nimo makita ang hubad sa Bibliya nga imong gusto, i-search lang nig balik sa sunod. Idugang ra ang ubang hubad kon available na kini.

 Kon Unsaon Pag-delete ug Bibliya

Puwede nimong i-delete ang hubad sa Bibliya nga dili na nimo gamiton o kon puno na imong storage.

I-open ang navigation drawer ug pindota ang Bible, dayon pindota ang Languages button para makita ang listahan sa mga Bibliya. Pindota ang More button sa Bibliya nga gusto nimong i-delete; dayon pindota ang Delete.

 Kon Unsaon Pag-update ug Bibliya

Usahay may mga update para sa Bibliya nga imong gi-download. Mailhan ni nimo kay naa niy refresh icon. Kon pindoton nimo ang Bibliya, molutaw ang mensahe nga naay available nga update. Pindota ang Download para i-update ang Bibliya, o Later kon gusto nimong ipadayog basa ang bersiyon nga naa nimo.

Kini nga features gi-release niadtong Pebrero 2015 diha sa JW Library 1.4, nga compatible sa Android 2.3 o sa mas bag-ong mga version. Kon kini nga mga feature dili nimo makita, palihog sunda ang mga instruksiyon sa artikulong “Kon Unsaon Paggamit sa JW Library—Android,” ubos sa ulohan nga Para sa Bag-ong mga Feature.