1. Masdi, mas halangkaw,

Bukid ni Jehova Diyos.

’Yan an nangingibabaw

Sa gabos na bulod.

Hali sa harayo

Mga tawo nangagda:

‘An Diyos paglingkudan ta

Sambahon, sunudon.’

An sadit na nasyon

Biyo nang duminakulaon.

Yaon an paggiya

Nin Diyos sagkod an bendisyon niya.

Milyon-milyon sinda

Na minadulok sa Diyos.

Sinda nanunuga na

Nungkang matalikod.

 2. Nagtugon si Jesus,

Kahadian ihulit.

An maugmang bareta

Sa gabos daraha.

Hadi na si Jesus;

An gabos magkampi na.

Si’say man na mahuyo

Hanapon, tukduan.

Maugmang pagmasdan

An dakulang kadaklan ngunyan.

May kabtang man kita

’Nganing maipamidbid si Jah.

Ikurahaw niyato:

‘Tumukad kita ngunyan

Sa bukid ni Jehova

’Nganing sumamba diyan.’