Siisay o Ano an Diyablo?
Siisay o ano an Diyablo?
PARA SAIMO an Diyablo daw . . .
Sarong espiritung persona?
Sarong simbolo nin karatan na yaon sa saro?
Imbento sana nin tawo?
AN SABI KAN BIBLIYA
Nakipag-ulay asin tinentaran si Jesus kan Diyablo. (Mateo 4:1-4) Kaya an Diyablo bakong imbento sana nin tawo ni simbolo man nin karatan. Siya sarong maraot na espiritung persona.
ANO PA AN MANUNUDAN TA SA BIBLIYA?
An Diyablo sarong dating banal na anghel, pero ‘dai siya [nanindugan] sa katotoohan.’ (Juan 8:44) Siya nagin putikon asin nagrebelde sa Diyos.
An ibang mga anghel uminiba sa pagrebelde ni Satanas.—Kapahayagan 12:9.
Pinapaniwala kan Diyablo an mga tawo na dai siya totoo.—2 Corinto 4:4.
Kaya daw kontrulon kan Diyablo an mga tawo?
AN SABI KAN IBA pangloloko sana an ideya na kayang kontrulon kan Diyablo an mga tawo. Natatakot man an iba na tibaad saniban sinda kan maraot na espiritu. Ano an masasabi nindo?
AN SABI KAN BIBLIYA
‘An bilog na kinaban [nasa kapangyarihan kan] maraot.’ (1 Juan 5:19) Dakula an impluwensiya kan Diyablo sa katawuhan, pero dai niya kinokontrol an kada tawo.
ANO PA AN MANUNUDAN TA SA BIBLIYA?
Naggagamit an Diyablo nin pandadaya tanganing mas lumakop pa an impluwensiya niya.—2 Corinto 11:14.
May mga pagkakataon na kinokontrol kan mga maraot na espiritu an mga tawo.—Mateo 12:22.
Sa tabang nin Diyos, makakaya nindong labanan o ‘tumangon an Diyablo.’—Santiago 4:7.
Puwede Mo Man Magustuhan
SIMBAG SA MGA HAPOT SA BIBLIYA
Totoo Daw an Diyablo?
An Diyablo daw saro sanang simbolo nin karatan na nasa laog kan hawak nin tawo, o saro talaga siyang totoong persona?
