Isinugo si Jeremias para patanidan an mga Judio dapit sa nagdadangadang na kalaglagan huling nalingawan ninda an saindang Diyos, si Jehova. (Jer 13:25) Paano nag-abot sa mamundong espirituwal na kamugtakan na ini an nasyon? Nawara kan mga pamilyang Israelita an saindang espirituwalidad. Minalataw na dai sinunod kan mga payo nin pamilya an instruksiyon ni Jehova na nasa Deuteronomio 6:5-7.

An mga pamilyang makusog an espirituwalidad nakakapakusog sa mga kongregasyon ngunyan. Matatabangan kan mga payo nin pamilya an saindang pamilya na girumdumon si Jehova paagi sa regular asin kapaki-pakinabang na Pampamilyang Pagsamba. (Sal 22:27) Pagkatapos na hilingon an video na ‘An mga Tataramon na Ini Dapat na Nasa Saimong Puso’—Interbiyu sa mga Pamilya, simbagon an minasunod na mga hapot:

• Paano napangganahan nin nagkapirang pamilya an mga kadipisilan na parating napapaatubang sa saindang pampamilyang pagsamba?

• Anong mga bendisyon an makakamtan kun igwa nin regular asin kapaki-pakinabang na Pampamilyang Pagsamba?

• Sa samong pampamilyang pagsamba, anong mga kadipisilan an napapaatubang sa sako, asin ano an magigibo ko para mapangganahan iyan?