Bibla dre Harmagedɔn mɔ yɛ nyi ahwa ci yí ajɔ le agbetɔ cɛkpakpawo pleŋ koɖo Mawu gblamɛ, yí danyi texwe nyɛkuin ɖe ajɔ le le nyigban lɔ ji o.

•   “Gbɔngbɔn vwin hunnɔwo . . . ɖo acɛ yí a wa nudaʒiwo. Wo yinɔ xexe mɛ fyɔwo keŋkeŋ gbɔ, yí a bɔ wo nɔ Mawu ŋsɛnwo keŋkeŋtɔ zan gangantɔ lɔ hwa wagbe. . . . Wo bɔ efyɔ lɔwo do afi ci wo yɔnɔ mɔ Harmagedɔn do Ʒuifuwo gbemɛ.”​—Enyɔdasɛ 16:14, 16.

 Enyɔgbe “Harmagedɔn” so Ebre nyɔgbe Har Meghid·dohn’ mɛ, yi gɔnmɛ yí nyi “Megido To.” Megiddo nyi jugan ɖeka le blema Izraɛli. Susu cɛ yí taɖo mɛɖewo buini mɔ, Izraɛli yí woawa Harmagedɔn hwa le. Vɔ texwe ci yí le Megiddo alo fibuwo le Moyen-Orient degangan keke “xexe mɛ fyɔwo keŋkeŋ” koɖo wowo hwakɔnwo atɛnŋ abɔ do nɔ o.

 Enu ciwo woŋlwɛ do Enyɔdasɛ wema lɔ mɛ nyi ‘avimɛnuwo’ alo kpɔwɛnyɔnunuwo. (Enyɔdasɛ 1:1) Eyi taɖo denyi texwe ŋtɔŋtɔ ɖe yí Harmagedɔn nyi o, vɔ ényi enujɔjɔ ci mɛ xexeɛ pleŋ mɛ jukɔnwo abɔ doju yí atrɔkpe Mawu cɛkpakpa le.​—Enyɔdasɛ 19:11-16, 19-21.