Lan la Biibël bi wax ci nekkaale?
Li Biibël bi wax
Biibël bi nee na Yàlla dafa bëgg nit ñi «moytu njaaloo» (1 Tesalonig 4:3). Baat bi ñu tekki fii ci wolof «njaaloo», boo ko gisee ci Biibël bi dafa ëmb ku am jëkkër walla jabar ba pare tëdd ak keneen, ak it góor-jigéen, ak itam benn góor ak benn jigéen ñu tëdd fekk séyuñu.
Ni Yàlla di gise séy walla nekkaale, lu tax loolu am solo?
Yàlla moo sos séy. Def na ko bi mu indee Awa ci suñu maam Aadama (Njàlbéen ga 2:22-24). Bëggul woon góor ak jigéen di dëkk ni jëkkër ak jabar fekk séyuñu ci yoon.
Yàlla moo ñu gën a xam li gën ci ñun. Yàlla dafa bëggoon séy am diggante benn góor ak benn jigéen te mu nekk luy sax. Loolu mooy indil njaboot gi jàmm ak xel mu dal. Dafa mel ni minise bu war a monte armoor bu jóge bitim réew. Fàww mu topp li ki ko defar bind ci kayit ngir xam ni ñu koy montee. Noonu it tegtal yi jóge ci Yàlla ñoo ñuy won li ñu war a def ngir am jàmm ci suñu kër. Boo toppee li Yàlla santaane, njariñ rekk nga ciy jële (Esayi 48:17, 18).
Bu ñu jëndee armoor bu bees bu ñu booleegul bant yi, ki ko defar mooy joxe tegtal yi ngir monte ko. Tegtal yi jóge ci Yàlla ñoo ñuy won li ñu war a def ngir am jàmm ci suñu kër.
Tëdd ak koo séyalul, mën na indi lu metti lool. Mën na doon ëmb, feebaru séy, walla yaakaar bu tas ak naqaru xol bu réy. *
Yàlla moo may góor ak jigéen ñu mën a am doom. Dund, lu sell la ci kanamu Yàlla te mën a am doom, maye Yàlla la. Yàlla dafa bëgg ñu wone ne fonk nañu maye boobu bu ñu séyee bala ñuy am doom (Yawut ya 13:4).
Nekkaale ngir gën a xamante, ndax loolu baax na?
Naka la jëkkër ak jabar mënee am séy bu neex?
Amul benn séy bu amul jafe-jafe. Waaye, jëkkër ak jabar mën nañu am jàmm ci seen séy bu ñu toppee tegtal yi nekk ci Biibël bi. Seetal yii di topp:
Jiitalal bëgg-bëggu ki nga séyal (1 Korent 7:3-5; Filib 2:3, 4).
Jàngal di bëgg ak di weg ki nga séyal (Efes 5:25, 33).
Xamal ni ngay waxe (Kàddu yu Xelu 12:18).
Muñalal ki nga séyal te di ko gaaw a baal (Kolos 3:13, 14).
^ par. 4 Seetal li ñu wax ci «Les jeunes s’interrogent–Aller plus loin: et si je cédais?» (maanaam xale yi ñooy laajte lu ñu mën a def su amee ku leen bëgg a xiir ci tëdd ak ñoom)
^ par. 6 Seetal li ñu wax ci waxtaan bi tudd «Pour les couples—Engagement.» (maanaam ñi séy war nañu fas yeenee dund ak ki ñu séyal seen dund bi yépp)
Seetal itam...
AY LAAJ YU JËM CI BIIBËL BI
Ndax Biibël bi mën na ma dimbali ma am jàmm ci sama biir njaboot?
Xelal yii jóge ci Biibël bi dimbali nañu ay milioŋi nit, góor ak jigéen, ñu am jàmm ci seen biir njaboot.
LU JËM CI ÑUN
Ndax bëgg nga ñu seetsi la?
Mën nga waxtaan ci benn laaj ci Biibël bi walla nga jàng lu jëm ci Seede Yexowa yi.