Mikiyasa 2:1-13

  • Naaqqiyageetuyyo aayyeero! (1-11)

  • Xoossay Israaꞌeelata zaarettidi issippe shiishshiis (12, 13)

    • Asay he biittan poocammana (12)

2  “Genebaa oottanawu murttiyageetuyyo,Bantta hiittan zaqqullidi* iitabaa halchchiyageetuyyo aayyeero! Maallado away kiyiyo wode eti hegaa poloosona,Ayssi giikko, hegaa oottanawu etawu wolqqay deꞌees.  2  Eti gadiya amottoosonanne wotti ekkoosona;Keettaakka amottoosonanne ekkoosona;Eti asa keettaa balibakkidi* ekkoosona,Asa laataakka hegaadan oottoosona.  3  Hegaa gishshawu, Yihoowi hagaadan gees: ‘Intte appe kessi ekkenna* bashshaa taani intte bolli ehaanawu halchchaas. Hegee bashshaa wode gidiyo gishshawu, simi otorettekketa.  4  He wode asay inttebaa leemisuwan yootana,Qassi eti intteyyo keehi azzanidi yeekkana. Eti hagaadan gaana: “Nuuni muleera xayida! I ta asaabaa haratuyyo immiis; I hegaa taappe wotti ekkiis! I nu gadiya ammanettennaagawu immees.”  5  Yaatiyo gishshawu, Yihoowa galchchan biittaa shaakki immanawu,Wodoruwan likkiya asi ne giddon deꞌenna.  6  Eti hagaadan goosona: “Awaajjoppite!Hageeti awaajjettana koshshokkona;Nuuni kawuyyokko!”  7  Yaaqooba keettawu,* asay yaagees: “Yihoowa ayyaanay danddayaa xayideeyye? Hageeti I oottidobeeyye?” Ta qaalay suure hemettiyageetuyyo woytuwa eheennee?  8  Shin mata wode ta asay morkkedan denddiis. Olaappe simmiya asadan yayyennan hemettiyageetuppe,Alꞌꞌo kaabbaa garssa maayuwara* qoncciyan qaareeta.  9  Intte ta asaa maccaasata eti ufayttidi deꞌiyo keettaappe kesseeta;Taani anjjido loꞌꞌobaa ubbaa eta naatuppe merinawu wotti ekkeeta. 10  Denddite, hagee shemppiyo soho gidenna gishshawu biite. A tunido gishshawu xayana; ee, azzanttiya xayo xayana. 11  Issi uri carkkuwanne balettiyabaa kaallidi, “Taani neeyyo woyniyabaanne mattoyiya ushshaabaa yootana” giidi worddotikko, I ha asaa ufayssanawu yootiyagaa! 12  Nenoo, Yaaqoobaa, taani ne zerettaa ubbaa shiishshana;Taani Israaꞌeelappe attidaageeta shiishshanaagee attennaba. Birddiyan* deꞌiya dorssaadan,Qooruwan deꞌiya wudiyadan taani eta issippe wottana;Asay yan poocammana.’ 13  Mentterettiyagee etappe sinttawu baana;Eti mentteretananne penggiyara kanttidi kiyi baana. Eta kawoy penggiyara kanttidi etappe sinttawu baana,Qassi Yihoowi eta kaalettana.

Footnotes

^ Woykko “ichchidi.”
^ Woykko “cimmidi.”
^ Mise, “qooriya appe kessenna.”
^ Woykko “zerettawu.”
^ Woykko geella, “garssa maayuwappe.”
^ Dorssay deeshshay aqiyo sohuwa.

Copyrights for this publication