NDI NGANI ZWI ZWA NDEME: Bugu ya 1 Vhakorinta ndi iṅwe ya marifhi a 14 e muapostola Paulo a a ṅwalela Vhakriste ngae u itela u vha ṱuṱuwedza. Musi muthu a tshi ṅwala vhurifhi, u a ḓiṋea tshifhinga tsha u nanga zwavhuḓi maipfi awe, zwenezwo zwi nga ita uri we a vhu ṋewa a ḓiphine ngaho. U ṅwala marifhi ndi nḓila yavhuḓi ya u huwelela kha mashaka ashu na kha vhathu vhane ra vha ḓivha. Marifhi a a dovha a ita uri ri kone u huwelela kha vhathu vhane ra sa kone u amba navho nga ho livhaho. Sa tsumbo, muṅwe a nga kha ḓi vha o sumbedza dzangalelo fhedzi zwi tshi konḓa u mu wana hayani. Zwi nga ri konḓela u wana vhaṅwe vhathu tsimuni ngauri vha dzula zwifhaṱoni zwo tsireledzwaho vhukuma, kana miḓini i re kule na kule. Ndi mini zwine ra tea u dzula ri tshi zwi humbula, zwihuluhulu musi ri tshi khou ṅwalela vhathu ri sa vha ḓivhi?

NḒILA YA U ZWI ITA:

• Ṅwalani zwe na vha ni tshi ḓo zwi amba arali no vha ni tshi khou tou amba nae. Mathomoni a vhurifhi haṋu ḓi ḓivhadzeni nahone ni ambe uri ndi ngani ni khou ṅwala honoho vhurifhi. Nga murahu, ni nga mu vhudzisa mbudziso ine a ḓo humbula nga hayo nahone ni mu livhise kha website yashu. Mu vhudzeni nga u tou pfufhifhadza nga ha pfunzo ya Bivhili ya hayani nahone ni ambe zwiṅwe zwa zwiṱoho zwine zwa vha kha zwiṅwe zwishumiswa zwashu zwa u guda Bivhili. Kha fulobo ni nga dzhenisa khandiso dzi ngaho sa garaṱa ya vhukwamani, tshibammbiri tsha u ramba kana zwibammbiri

• Pfufhifhadzani. Vhu songo lapfa ngauri zwi nga ita uri muvhali a fhelelwe nga dzangalelo ḽa u vhala.—Sedzani vhurifhi ha tsumbo kha siaṱari 8

• Itani vhungoho ha uri zwe na zwi ṅwala zwi a vhalea nahone a huna vhukhakhi. Zwi tea u kunga, u sa khukhulisa na u nyanyula. Itani vhungoho ha uri no nambatedza zwiṱemmbe zwo eḓanaho