Samuele o fhulufhedzea kha Yehova lwa vhutshilo hawe hoṱhe. Musi a tshi kha ḓi vha muṱuku, ho ngo tenda u edzisa tsumbo i si yavhuḓi ya vharwa vha Eli, Hofuni na Finiasi. (1Sa 2:22-26) Samuele o bvela phanḓa a tshi aluwa nahone Yehova o dzula e nae. (1Sa 3:19) Musi o no kalaha, o bvela phanḓa na u shumela Yehova nga u fhulufhedzea naho vharwa vhawe vho vha vha sa fhulufhedzei.​—1Sa 8:1-5.

Ri nga guda mini kha tsumbo ya Samuele? Arali ni tshe muṱuku, ivhani na vhungoho ha uri Yehova u a pfesesa zwine na sedzana nazwo na nḓila ine na ḓipfa ngayo. A nga ni thusa uri ni vhe na tshivhindi. (Yes 41:10, 13) Arali ni mubebi a re na ṅwana a si tsha shumelaho Yehova, khuthadzwani nga u ḓivha uri Samuele o vha a nga si kombetshedze vhana vhawe vho no aluwaho uri vha shumele Yehova nga u fhulufhedzea. O litshela zwoṱhe zwanḓani zwa Yehova nahone a bvela phanḓa a tshi fhulufhedzea na u takadza Khotsi awe wa ṱaḓulu Yehova. Khamusi tsumbo yaṋu yavhuḓi, i ḓo ita uri ṅwana waṋu a vhuyelele kha Yehova.

ṰALELANI VIDIO INE YA RI: GUDANI KHAVHO—SAMUELE, NGA MURAHU NI FHINDULE MBUDZISO DZI TEVHELAHO:

• 

  Samuele o sumbedza hani tshivhindi a tshi kha ḓi vha muṱuku?

• 

  Danny o sumbedza hani tshivhindi?

• 

  Samuele o vha hani tsumbo yavhuḓi musi o no aluwa?

• 

  Vhabebi vha Danny vho vha hani tsumbo yavhuḓi?