TSHUMELO YA BETHELE Vhahuweleli vho lovhedzwaho vha sa athu u pfuka miṅwaha ya 35 vhane vha nga takalela u dzhenela tshumelo ya Bethele vha fanela u dzudzanya u ya muṱanganoni wa vha ṱoḓaho u ya Bethele nga Ḽavhuṱanu nga masiari. Fhethu hune wa ḓo farelwa hone na tshifhinga zwi ḓo ḓivhadzwa hu tshee nga phanḓa.

TSHIKOLO TSHA VHAHUWELELI VHA MUVHUSO Vhavulanḓila vha re miṅwahani i re vhukati ha 23 na 65 vhane vha takalela u ṱanḓavhudza vhuḓinḓa havho vha rambiwa uri vha vhe hone kha vhane vha ṱoḓa u ṅwalisela Tshikolo Tsha Vhahuweleli Vha Muvhuso nga Swondaha nga masiari. Fhethu hune wa ḓo farelwa hone na tshifhinga zwi ḓo ḓivhadzwa hu tshee nga phanḓa.

VHALINDI Vhalindi vho vhetshelwa u ni thusa. Nga khumbelo shumisanani navho nga vhuḓalo nga u tevhela vhulivhisi havho malugana na fhethu ha u paka zwiendedzi, u langa gogo ḽa vhathu, u vhetshela vhaṅwe zwidulo na maṅwe mafhungo.

NDOVHEDZO Zwidulo zwa vhane vha khou ya u lovhedzwa zwi ḓo vhewa tsini na tshiteidzhi. Vhane vha khou ya u lovhedzwa vha fanela u kuvhangana musi nyambo ya ndovhedzo i sa athu u thoma nga Mugivhela nga matsheloni. Muṅwe na muṅwe u fanela u ḓa na thaula yawe na zwiambaro zwi ṱhonifheaho zwa u bammbela.

MIṊEELO Nga tshinyalelo i swayeaho, ho itwa ndugiselelo dza vhudzulo ho eḓanaho, mitshini ya khudzaipfi, na dziṅwe tshumelo nnzhi dzi itaho uri u vha hone buthanoni zwi takadze na u ri thusa uri ri sendele tsini na Yehova. Miṋeelo yaṋu ya u ḓifunela i thusa u badela dzenedzi tshinyalelo na u tikedza mushumo wa shango ḽoṱhe. U itela u ni thusa, mabogisi a muṋeelo o swaiwaho zwavhuḓi o vhewa hoṱhe-hoṱhe. Miṋeelo yoṱhe i a livhuhiwa vhukuma. Tshigwada tshi Langaho tshi tama u ni livhuha hu tshee nga phanḓa u tikedza haṋu nga mafunda zwithu zwoṱhe zwine zwa tshimbidzana na Muvhuso.

THUSOṰHANZI Humbulani uri hezwi ndi zwa musi wa KHOMBO FHEDZI.

THUNDU DZO XELAHO NA KAMARA YA THUNDU Zwithu zwoṱhe zwo dobiwaho zwi fanela u iswa kha wonoyu muhasho. Arali no xedza tshiṅwe tshithu, iyani kha wonoyu muhasho nahone ni ṱalule zwi re zwaṋu. Vhana vho xelaho vha fanela u iswa kha wonoyu muhasho. Naho zwo ralo, wonoyu muhasho a wo ngo fanela u dzhiiwa sa wa u lela vhana. Nga khumbelo ṱhogomelani vhana vhaṋu nahone ni dzule navho.

VHUDZULO Ri humbela uri ni humbulele vhaṅwe. Ni humbule uri vhudzulo vhu nga vhetshelwa fhedzi vhane na khou tshimbila na inwi goloini nthihi, vhane na dzula navho muḓini muthihi kana vhane zwino na khou guda navho Bivhili. Ni humbelwa uri ni songo sia zwithu zwiduloni.

TSHUMELO YA VHOMAḒILONGA Arali ni tshi tama u thusa nga mushumo u tshimbidzanaho na u dzudzanya buthano, ri humbela uri ni ye kha wonoyu muhasho nahone ni ḓo vhudzwa hune ha ṱoḓea thuso.