“Shango ḽoṱhe ḽi zwanḓani zwa muvhi.” 1 Yohane 5:19.

“Murwa wa Mudzimu o vhonadzwa . . . uri a fhelise mishumo ya Diabolo.”—1 Yoh. 3:8, Bivhili ya Ṱhalutshedzelo Ya Shango Ḽiswa.

Zwi nga ni thusa uri ni pfesese uri ndi ngani hu na vhuleme shangoni.—Nzumbululo 12:12.

Zwi nga ita uri ni tende uri shango ḽi ḓo shanduka ḽa vha khwine.—1 Yohane 2:17.

Ee, ri nga tenda nga nṱhani ha zwiitisi zwiraru:

• Vhuvhusi ha Sathane vhu ḓo fheliswa. Yehova o ḓiimisela u ita uri Saṱhane a si tsha ṱuṱuwedza vhathu u ita vhuvhi. U fhulufhedzisa uri u ḓo ‘fhelisa Diabolo’ na u vusulusa zwithu zwe Saṱhane a zwi tshinya.—Vhaheberu 2:14, New World Translation.

• Mudzimu o khetha Yesu Kristo uri a vhuse shango. Yesu o fhambana tshoṱhe na muvhusi wa ḽino shango a re na tshiṱuhu, na tseḓa. Mudzimu o fhulufhedzisa uri musi Yesu a tshi vhusa: “U ḓo pfela vhuṱungu vha si na zwavho . . . U ḓo vha lamulela musi vha tshi khou tsikeledzwa na musi vhe khakhathini.”—Psalme ya 72:13, 14.

• Mudzimu ha zwifhi. Bivhili i bvisela khagala uri: “Mudzimu ha zwifhi.” (Vhahevheru 6:​18) Musi Mudzimu a tshi fhulufhedzisa u ita tshithu, u a tshi ita! (Yesaya 55:​10, 11) ‘Muvhusi wa ḽino shango u ḓo pandelwa.’—Yohane 12:31.