Sakaria 13:1-9
13 “Nga ḽeneḽo ḓuvha, hu ḓo vha na tshisima tshine vha nnḓu ya Davida na vhadzulapo vha Yerusalema vha ḓo ṱanzwiwa tshivhi na tshika khatsho.+
2 Yehova wa mavhuthu u ri, “Nga ḽeneḽo ḓuvha, ndi ḓo fhelisa midzimu ya zwifanyiso i re kha ḽeneḽi shango,+ ya si tsha ḓo dovha ya humbulwa; nda fhelisa vhaporofita+ na muya wa tshika.
3 Arali munna a porofita, khotsi awe na mme awe vha ḓo amba nae vha ri, ‘U ḓo fa, ngauri wo zwifha dzinani ḽa Yehova.’ Khotsi awe na mme awe vha ḓo mu ṱhavha nga banga nge a porofita.+
4 “Nga ḽeneḽo ḓuvha, vhaporofita vhoṱhe vha ḓo shona nge vha porofita nga ha mabono avho; a vha nga ambari zwiambaro zwavho zwa mamvele+ u itela u fhura.
5 Muṅwe na muṅwe wavho u ḓo ri, ‘A thi muporofita. Ndi mulimi, ngauri ndo rengiwa ndi tshee muṱuku.’
6 Arali ha vhudziswa muṅwe wavho ha pfi, ‘Izwi zwilonda zwi re muvhilini* wau ndi zwa mini?’ ene u ḓo ri, ‘Ndo vhaisala nḓuni ya khonani dzanga.’”*
7 “Iwe banga, vuwa u lwe na mulisa wanga,+U lwe na khonani yanga,” u ralo Yehova wa mavhuthu.
“Irwa mulisa, sambi*+ ḽi balangane;+Nṋe ndi ḓo lwa na vha vhuimo ha fhasi.”
8 Yehova u ri, “Kha shango ḽoṱhe,Hu ḓo vhulawa zwipiḓa zwivhili kha zwiraru zwa vhathu vha dzulaho khaḽo;Ha sala tshipiḓa tshithihi kha zwiraru.
9 Tshenetsho tshipiḓa tshithihi ndi ḓo tshi posa muliloni;Ndi ḓo vha kunakisa u fana na siḽiva i tshi kunakiswa,Nda vha ṱola u fana na musuku u tshi ṱolwa.+
Vha ḓo vhidzelela dzina ḽanga,Nṋe nda vha fhindula.
Nda ri, ‘Ndi vhathu vhanga,’+Vhone vha ri, ‘Yehova ndi Mudzimu washu.’”
