Obadia 1:1-21
1 Yehova Murena Muvhusahoṱhe o sumbedza Obadia* bono nga ha Edomo.+
Obadia o ri:
“Ro pfa zwe Yehova a zwi amba,Muḓinḓa o rumiwa kha tshaka uri a ri:
‘Kha ri lugiselele u lwa nae.’”+
2 “Ndo ita uri u si vhe wa ndeme kha tshaka;U vhengwa zwihulu.+
3 Wo fhurwa nga mbilu yau i ḓihudzaho,+Iwe ane a khuda tomboni ḽihulu,Iwe ane a dzula nṱha ha thavha, u tshi ḓivhudza uri,‘Ndi nnyi ane a nga ntsitsela fhasi?’
4 Naho wa ita uri hune wa dzula hone hu vhe nṱha sa ha* goni,Kana wa fhaṱa tshiṱaha tshau tsini na ṋaledzi,Ndi ḓo u tsitsela fhasi u henefho,” u ralo Yehova.
5 “Arali wa ḓelwa nga mbava vhusiku,Naa dzi nga si tswe zwine dza funa fhedzi?
Arali wa ḓelwa nga vhafuli vha nḓirivhe,Naa vha nga si fule vha sia dziṅwe?
Fhedzi iwe u ḓo tshinyadzwa tshoṱhe nga maswina au!+
6 Vho ṱoḓa Esau u swika vha tshi mu wana.
Vha dzhia na lupfumo lwe a vha o lu dzumba.
7 Vho u pandamedza u swika mukanoni.
Vhashumisani na iwe* vhoṱhe vho u fhura.
Wo kundwa nga vhathu vhane wa vha na mulalo navho.
Vhane wa ḽa navho vho u vhetshela tshikwekwe,Fhedzi a u nga zwi ṱhogomeli.
8 Nga ḽeneḽo ḓuvha,” u ralo Yehova,“Naa a thi nga ḓo fhelisa vho ṱalifhaho ngei Edomo+Na vha re na ṱhalukanyo dzinguni ḽi re thavhani dza Esau?
9 Iwe Themani,+ vhahali vhau vha ḓo tshuwa,+Ngauri vhoṱhe vha re dzinguni ḽa thavhani dza Esau vha ḓo vhulawa.+
10 Nga nṱhani ha khakhathi dze wa dzi itela murathu wau Yakobo,+U ḓo farwa nga ṱhoni,+Wa si tsha dovha wa vha hone.+
11 Nga ḓuvha ḽe vhatsinda vha isa mmbi yawe vhuthubwani,+Na ḽe vhatsinda vha dzhena nga khoro yawe na u ita madeṅwa+ u itela u kovhekana thundu ya Yerusalema,Iwe wo sokou ima u si ite tshithu.
Wo vha u muvhi u fana navho.
12 U songo takala nga ḓuvha ḽine murathu wau a ḓo welwa nga khombo,+U songo takala nga ḓuvha ḽine vhathu vha Yuda vha ḓo fheliswa,+U songo amba nga u ḓihudza nga ḓuvha ḽine vha ḓo vha vho tsikeledzea.
13 U songo dzhena nga khoro ya vhathu vhanga nga ḓuvha ḽine vha ḓo welwa nga khombo,+U songo takala nga ḓuvha ḽine a ḓo welwa nga khombo,U songo dzhia lupfumo lwawe nga ḓuvha ḽine a ḓo welwa nga khombo.+
14 U songo ima mafhandeni a nḓila uri u vhulaye vhathu vhawe vho ponyokaho,+U songo kumedzela vhathu vhawe vho ponyokaho kha maswina avho nga ḓuvha ḽa khombo.+
15 Ngauri ḓuvha ḽa Yehova ḽa u lwa na tshaka dzoṱhe ḽi tsini.+
U ḓo itwa zwe wa ita vhaṅwe.+
U ḓo farwa nga nḓila ye wa fara vhaṅwe ngayo.
16 Nḓila ye wa vha u tshi khou nwa ngayo waini thavhani yanga khethwa,Ndi nḓila ine tshaka dza ḓo dzula dzi tshi nwa ngayo mbiti dzanga sa waini.+
Dzi ḓo nwa dza mila mbiti dzanga,Dzenedzo tshaka dzi ḓo nga a dzo ngo vhuya dza vha hone.
17 Fhedzi Thavhani ya Tsioni hu ḓo vha na vhe vha ponyoka,+Yeneyo thavha i ḓo vha khethwa;+Vha nnḓu ya Yakobo vha ḓo dzhia zwi re zwavho.+
18 Vha nnḓu ya Yakobo vha ḓo nga mulilo,Na vha nnḓu ya Yosefa vha nga mulilo,Vha nnḓu ya Esau vha ḓo nga maṱanga;Vha ḓo fhiswa nga mulilo,A hu na ane a ḓo ponyoka kha vha nnḓu ya Esau,+Ngauri zwo ambiwa nga ene muṋe Yehova.
19 Vha ḓo dzhia ḽa Negebe na dzingu ḽa thavhani dza Esau,+Vha dzhia ḽa Shefela na shango ḽa Vhafilisita.+
Vha ḓo dzhia tsimu ya Efuraimi na ya Samaria,+Benyamini u ḓo dzhia ḽa Giḽiada.
20 Vho thubwaho vha uno mutsheṱo wo tsireledzeaho,+Vhane vha vha vhathu vha Isiraele, vha ḓo dzhia shango ḽa Vhakanana u swika ngei Tsarepata.+
Na vho thubwaho vha Yerusalema, vha re ngei Sefarada, vha ḓo dzhia miḓi ya Negebe.+
21 Vhatshidzi vha ḓo ya Thavhani ya TsioniU haṱula dzingu ḽa thavhani dza Esau,+Vhuhosi vhu ḓo vha ha Yehova.”+
