Esitere 2:1-23
2 Musi mbiti dza Khosi Ahasiverosi+ dzo no dzika, a humbula zwe Vasithi a ita+ na zwe zwa dzudzanywa u itwa khae.+
2 Vhaḓinḓa vha khosi vha ri: “Khosi nga i ṱoḓelwe vhasidzana* vho nakaho.
3 Khosi i nange vhanna kha mavundu* oṱhe a muvhusoni wayo+ uri vha ḓise vhasidzana* vhoṱhe vho nakaho pfamoni* ngei Shushani,* nḓuni ya vhafumakadzi. Vha tea u ṱhogomelwa nga Hegai+ khombe* ya khosi na muṱhogomeli wa vhafumakadzi, vha nakiswe.*
4 Musidzana ane a ḓo takadza khosi nga maanḓa u ḓo vha mufumakadzi wayo vhudzuloni ha Vasithi.”+ Eneo mafhungo a takadza khosi, ya ita nga u ralo.
5 Ho vha hu na muṅwe munna wa Muyuda pfamoni* ngei Shushani*+ we a vha a tshi pfi Maradokai+ murwa wa Yairi murwa wa Shimei murwa wa Kishi wa Mubenyamini,+
6 we a iswa vhuthubwani a tshi bva Yerusalema na maṅwe mathubwa e a iswa vhuthubwani na Khosi Yekonya*+ wa Yuda nga Khosi Nebukadanetsara wa Babele.
7 O vha a tshi ṱhogomela khaladzi* awe Hadasa, ane a pfi Esitere, onoyo musidzana o vha a si na mme na khotsi.+ O vha o vhumbea, o naka. Musi khotsi awe na mme awe vha tshi fa, Maradokai o mu dzhia a mu ita ṅwana wawe.
8 Musi ho no ḓivhadzwa zwe zwa ambiwa nga khosi na mulayo wayo, musi vhasidzana vhanzhi vha tshi ḓiswa pfamoni* ya ngei Shushani* uri vha ṱhogomelwe nga Hegai,+ na Esitere a iswa nḓuni* ya khosi uri a ṱhogomelwe nga muṱhogomeli wa vhafumakadzi.
9 Onoyo musidzana o vha a tshi takadza Hegai, a mu ita nga vhuthu,* a ṱavhanya a dzudzanya uri Esitere a nakiswe,*+ a ṋewe zwiḽiwa zwo khetheaho, Hegai a nanga vhasidzana vha sumbe vha bvaho nḓuni ya khosi uri vha mu shumele. A mu isa fhethu havhuḓi henefho nḓuni ya vhafumakadzi na vhaḓinḓa vhawe.
10 Esitere ho ngo vhuya a amba tshithu nga ha vhathu vha hawe+ kana nga ha mashaka awe, ngauri Maradokai+ o vha o mu laya uri a songo vhudza muthu.+
11 Ḓuvha ḽiṅwe na ḽiṅwe Maradokai o vha a tshi fhira nga muṱani wa nnḓu ya vhafumakadzi uri a pfe nga ha mutakalo wa Esitere na zwe zwa vha zwi tshi khou itea khae.
12 Musidzana muṅwe na muṅwe o vha e na ḓuvha ḽawe ḽa u ya ha Khosi Ahasiverosi musi o no fhedza miṅwedzi ya 12 a tshi tevhedza maitele a u nakiswa o vhetshelwaho vhafumakadzi, ngauri yeneyo yo vha i nḓila ye vha vha vha tshi fhedza ngayo maḓuvha avho a u nakiswa* nga u ḓola mapfura a mira+ lwa miṅwedzi ya rathi na mapfura a baḽisamu+ lwa miṅwedzi ya rathi na zwiḓolo zwo fhambanaho zwa u nakisa.*
13 Nga murahu ha zwenezwo, musidzana o vha a tshi vha o lugela u ya ha khosi, tshiṅwe na tshiṅwe tshine a tshi humbela o vha a tshi ṋewa tshone musi a tshi bva nḓuni ya vhafumakadzi a tshi ya nḓuni ya khosi.
14 O vha a tshi ya nga madekwana, nga matsheloni o vha a tshi humela nḓuni ya vhuvhili ya vhafumakadzi, vhane vha ṱhogomelwa nga Shasagasi khombe ya khosi,+ muṱhogomeli wa vhafumakadzi vha khosi vha vhuimo ha fhasi.* Musidzana onoyo o vha a si tsha dovha a vhuyelela ha khosi nga nnḓa ha musi khosi yo mu takalela ya mu vhidza nga dzina ḽawe.+
15 Musi tshifhinga tsha uri Esitere ṅwana wa Abihaili shaka ḽa Maradokai, we a vha o mu dzhia a vha ṅwana wawe,+ tshi tshi swika uri a ye ha khosi, o humbela fhedzi zwe Hegai khombe ya khosi, muṱhogomeli wa vhafumakadzi a mu vhudza zwone. (Ngeno Esitere o vha a tshi takalelwa nga muṅwe na muṅwe we a vha a tshi mu vhona.)
16 Esitere a iswa nḓuni ya musanda ha Khosi Ahasiverosi nga ṅwedzi wa vhufumi, une wa vha ṅwedzi wa Thebethe,* nga ṅwaha wa vhusumbe+ wa vhuhosi hawe.
17 Khosi ya funa Esitere u fhira vhaṅwe vhasidzana vhoṱhe, ya mu takalela* u fhira vhaṅwe vhasidzana.* Ya mu ambadza khare* ya vhuhosi ṱhohoni, ya mu ita mufumakadzi wayo+ vhudzuloni ha Vasithi.+
18 Khosi ya itela vhakololo vhayo vhoṱhe na vhashumeli vhayo vhoṱhe tshimima tshihulu, tshenetsho tsho vha tshi tshimima tsha Esitere. Ya ḓivhadza mavunduni* uri hu si tsha bviswa nduvho, ya bvela phanḓa i tshi ṋea vhathu zwifhiwa zwo fanelaho khosi.
19 Musi vhasidzana*+ vha tshi kuvhanganywa lwa vhuvhili, Maradokai o vha o dzula khoroni ya khosi.
20 Esitere ho ngo amba tshithu nga ha mashaka awe na nga ha vhathu vha hawe,+ sa zwe Maradokai a mu laya; Esitere a bvela phanḓa a tshi ita zwe zwa ambiwa nga Maradokai, u fana na musi a tshi kha ḓi ṱhogomelwa ngae.+
21 Misini yeneyo musi Maradokai o dzula khoroni ya khosi, Bigithani na Therese vhaḓinḓa vhavhili vha khosi vhane vha linda miṋango vha sinyuwa, vha vhamba maano a u vhulaya Khosi Ahasiverosi.
22 Fhedzi Maradokai a zwi pfa, a ṱavhanya a vhudza Esitere mufumakadzi wa khosi. Esitere a vhudza khosi zwe a vhudzwa zwone nga Maradokai.
23 Ngauralo, ha ṱoḓisiswa nga ha eneo mafhungo mafheleloni ha wanala uri ndi ngoho, vhenevho vhanna vha fhahewa kha danda; zwenezwi zwoṱhe zwa ṅwaliwa kha mafhungo a ḓivhazwakale a misini yeneyo khosi i tshi zwi vhona.+
Ṱhaluso dzi re magumoni a siaṱari
^ Kana “tsiḓululwe.”
^ Ipfi ḽa Tshihevheru ḽi ambela kha muthu o fhahulwaho.
^ Kana “Susa.”
^ Kana “fhethu ha dzhavhelo.”
^ Kana “zwiṱiriki zwi re na maanḓa.”
^ Kana “Susa.”
^ Kana “fhethu ha dzhavhelo.”
^ Kana “ṅwana wa khotsimuhulu kana khotsimunene wawe.”
^ Kana “fhethu ha dzhavhelo.”
^ Kana “Susa.”
^ Kana “pfamoni.”
^ Kana “tsiḓululwe.”
^ Kana “a mu funa nga lufuno lu sa shanduki.”
^ Kana “u tsiḓululwa.”
^ Kana “na u tsiḓululwa nga maitele a vhafumakadzi.”
^ Sedzani Mutevhe Wa Ṱhalutshedzo Ya Maipfi.
^ Sedzani Ṱhume. B15.
^ Kana “ya mu sumbedza lufuno lu sa shanduki.”
^ Kana “dugu.”
^ Kana “zwiṱirikini zwi re na maanḓa.”
