Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA ME 2013

 TUMU PARAU MATAMUA: E NEHENEHE ANEI E OAOA I TEIE MAHANA?

E nehenehe anei e oaoa i teie mahana?

E nehenehe anei e oaoa i teie mahana?

“To matou pue mahana i te oraraa nei e hitu ïa ahuru i te matahiti, e ia tae i te vau i te ahuru i te matahiti i te etaeta, e riro râ taua etaeta ra ei rohirohi e ei taiâraa.”—Salamo 90:10.

AUÊ te tano teie mau parau e! I roto i teie ao, e pinepine e riro te oraraa “ei rohirohi e ei taiâraa.” Ua uiui ê na paha oe, ‘E nehenehe anei e oaoa i teie mahana?’

A hi‘o na ia Maria. Na mua ’‘e e vahine ohipa roa o ’na. I teie nei râ, e 84 matahiti to ’na, eita faahou ta ’na e nehenehe e haere i rapae au i te fare o ’na ana‘e. Te maitai noa ra to ’na roro, te tino râ, ua paruparu ïa. E nehenehe anei oia e parau e mea oaoa taua oraraa ra?

E oe? Te uiui nei paha oe i te tahi taime e teihea tuhaa o to oraraa ta oe e tia ia oaoa. E ohipa rohirohi e te haumani noa paha ta oe. Aita paha e tâu‘ahia ra ta oe mau tutavaraa. Noa ’tu e te maitai ra to oraraa, te haapeapea ra râ oe no to ananahi. I te tahi mau taime, e moemoe aore ra e hepohepo atoa oe. Peneia‘e te fifi ra to utuafare aore ra ua pohe te hoê taata herehia e oe. Mea piri roa André i to ’na papa tei pohe taue no te ma‘i. Ua oto roa ino oia a mana‘o atu ai e eita ta ’na e nehenehe e faaruru i te reira.

Noa ’tu eaha te fifi ta tatou e faaruru ra, e hinaaro iho â tatou e ite e e nehenehe anei e oaoa i teie mahana. Na te oraraa ïa o Iesu Mesia tei parahi i te fenua nei a 2 000 matahiti a‘enei e pahono mai i tera uiraa. Noa ’tu te mau fifi atoa ta ’na i faaruru, ua oaoa mau oia. O tatou atoa ïa mai te peu iho â râ e peehia to ’na hi‘oraa.