Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  Me 2013

Te pahono ra te Bibilia

Te pahono ra te Bibilia

E nehenehe anei e maramarama i te Bibilia?

E Parau a te Atua te Bibilia. E au te reira i te hoê rata a te hoê metua tane î i te here. (Timoteo 2, 3:16) I roto i te Bibilia te Atua e faataa ’i e nafea ia faaoaoa ia ’na, no te aha oia e vaiiho noa ’i i te ino, e eaha ta ’na e rave no te huitaata a muri a‘e. Ua taviri râ te mau aratai haapaoraa i ta te Bibilia e haapii ra. Ei faahopearaa, e rave rahi te mana‘o nei e eita ta ratou e nehenehe e maramarama i te reira.—Ohipa 20:29, 30.

Te hinaaro ra te Atua ra o Iehova ia ite tatou i te parau mau no nia ia ’na. Ua horoa mai ïa oia i te hoê buka ta tatou e nehenehe e maramarama.—A taio i te Timoteo 1, 2:3, 4.

E nafea oe e maramarama ’i i te Bibilia?

Hau atu i te horoaraa mai i te Bibilia, ua tono Iehova ia Iesu no te haapii mai e nafea ia maramarama i te reira. (Luka 4:16-21) Ma te faahiti i te mau irava, ua tauturu Iesu i te taata ia taa i te mau Papai.—A taio i te Luka 24:27, 32, 45.

Ua haamau Iesu i te amuiraa Kerisetiano no te faahope i te ohipa ta ’na i haamata. (Mataio 28:19, 20) Te tauturu nei te mau pǐpǐ mau a Iesu i te taata ia taa i ta te Bibilia e haapii ra no nia i te Atua. Ia hinaaro oe e maramarama i te reira, e oaoa te mau Ite no Iehova i te tauturu atu.—A taio i te Ohipa 8:30, 31.