Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  2009-12-01

Haapiiraa hape 1: E ora noa te hoê tuhaa o te taata i te pohe

Haapiiraa hape 1: E ora noa te hoê tuhaa o te taata i te pohe

Nohea mai teie haapiiraa?

Ia au i te hoê buka ite rahi, ua farii te mau philosopho Kerisetiano matamua i te mana‘o Heleni e mea pohe ore te hoê tuhaa o te taata, tei haapuaihia i roto ia ’na i to ’na iho â tôraa.—The New Encyclopædia Britannica (1988), buka 11, api 25.

Ta te Bibilia e haapii ra:

“Te ho‘i nei oia i to ’na ra repo; mou roa ’tura ta ’na i opua i taua mahana ra.”—Salamo 146:4.

E “varua” anei to te taata o te ora noa i te pohe? Te haapii ra te Bibilia e ua tuu te Atua i roto i te taata e te animara i te hoê puai ora, aore ra varua, atuatuhia e te hutiraa aho. Na taua puai ora ra e faaoraora i te tino. Ua faaea ana‘e râ te taata aore ra te animara i te huti i te aho, a ore atu ai te puai ora no ǒ mai i te Atua ra e atuatu-faahou-hia, o te pohe ïa. Aita a ratou e parau itea faahou.—Genese 3:19; Koheleta 3:19-21; 9:5.

Mai to ’na haamataraa mai â, ua faatupu te tiaturiraa e e ora noa te hoê tuhaa o te taata i muri a‘e i te pohe i teie na uiraa: E haere taua tuhaa ra ihea? Eaha te tupu i nia i te feia ino ia pohe ratou? Ua farii te mau faahua Kerisetiano i teie haapiiraa, oia atoa ïa i te tahi atu tiaturiraa: te haapiiraa o te po auahi.

A hi‘o i teie mau irava: Koheleta 3:19; Mataio 10:28; Ohipa 3:23

TUPURAA MAU:

Ia pohe te taata, e faaea oia i te ora