Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA 2009-12-01

Haapiiraa hape 2: E mauiui te feia ino i roto i te po auahi

Haapiiraa hape 2: E mauiui te feia ino i roto i te po auahi

Nohea mai teie haapiiraa?

“I roto i te mau philosopho Heleni matauhia atoa, o Platon tei paturu rahi a‘e i te mana‘o tumu o te Po.”—Histoire des enfers (Te aamu o te po), a Georges Minois, api 50.

“Mai te afaraa ’tu o te senekele 2, ua haamata te tahi mau Kerisetiano tei matau rii i te philosophia Heleni, i te hinaaro e faaite i to ratou faaroo na roto i taua philosophia ra . . . O te haapiiraa a Platon te philosophia tei au maitai a‘e ia ratou.”—The New Encyclopædia Britannica (1988), buka 25, api 890.

“Te haapii ra te Ekalesia e te vai ra iho â te po, o te ore e mou. I muri iti noa ’‘e i te pohe, e haere te hoê tuhaa o te feia tei hara pohe i roto i te po, i reira ratou e mauiui ai i roto i te ‘auahi pohe ore.’ Te utua rahi o te po, o te faataa-ê-raa mure ore ïa i te Atua.”—Catéchisme de l’Église catholique (Beretane), piahia i 1994, api 270.

Ta te Bibilia e haapii ra:

“Ua ite te feia e ora nei, e pohe ratou, aita râ a te feia i pohe ra e parau itea . . . aore hoi e ohipa, aore e imiraa, aore hoi e ite, aore hoi e paari, i te apoo ta oe e haere na.”—Koheleta 9:5, 10.

Eaha ta teie irava e faaite ra no nia i te huru o te feia pohe? Te mauiui ra anei ratou i roto i te apoo ia tapo‘ihia ta ratou mau hara? Aita, ‘aita hoi a ratou e parau itea.’ No reira te patereareha Ioba i taparuparu ai i te Atua a mauiui roa ’i oia no te ma‘i rahi: “Ia paruru mai oe ia’u i roto i te apoo.” (Ioba 14:13, V.C.J.S. *) Te faaite ra ta ’na aniraa e e ere “te apoo” i te hoê vahi haamauiuiraa mure ore, i te menema râ o te huitaata, aore hoi e ohipa i reira.

Hau atu â, eaha hoi te hara ino mau e haamauiui ai te hoê Atua aroha i te hoê taata e a muri noa ’tu? (Ioane 1, 4:8) Mai te peu e e haapiiraa hape te po auahi, eaha ïa no te oraraa i nia i te ra‘i?

A hi‘o i teie mau irava: Salamo 146:3, 4; Ohipa 2:25-27; Roma 6:7, 23

TUPURAA MAU:

Eita te Atua e faautua i te taata i roto i te po

^ par. 6 Huriraa Katolika reo Tahiti.