Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! MATI 2013

 MEA POIETEHIA ANEI?

Te aero o te moo agame

Te aero o te moo agame

MEA ohie no te moo agame ia ou‘a mai te hoê vahi papu i nia i te hoê patu. Noa ’tu e e hee oia i nia i te vahi manina, e tae iho â ia ’na ia na reira. Maoti te aha? Maoti to ’na aero.

A hi‘o na: Ia ou‘a te mau moo agame ma te tano mai te hoê vahi taratara ’tu, e faaafaro ratou i to ratou tino a tuu atu ai i te aero i raro. Mai te hoê vahi manina ’tu râ, e tuu ïa ratou i te aero i nia. Mea taa ê roa ïa teie huru raveraa. “E mea tia ia faaafaro noa te mau moo i to ratou aero ia tano to ratou toparaa,” ta te hoê parau faataa a te Fare haapiiraa teitei o Kalifonia, i Berkeley, i faaite. Rahi atu â te manina o te vahi, rahi atu â te moo i te faatia i to ’na aero ia tano te toparaa.

E nehenehe te aero o teie moo e tauturu i te feia îite ia hamani i te tahi pereoo taa ê o te ore e tahuri ia tere vitiviti te reira i te mau vahi atoa. E faaohipahia te reira no te imi i te feia i ora mai i muri a‘e i te hoê aueueraa fenua aore ra te tahi atu ati. Ia au i te taata maimi ra o Thomas Libby: “E nehenehe te mau animara e hautiuti mai ta ratou e hinaaro eiaha râ teie mau matini. No reira, ia ite-noa-hia ’tu te tahi ravea e afaro noa ’i te pereoo, e riro ïa te reira ei haereraa rahi i mua.”

Eaha to oe mana‘o? Mea tupu noa anei te aero o te moo agame? Aore ra mea poietehia anei?