Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Mati 2013

Na te ao nei

Na te ao nei

Iseraela

Eita te mau tamarii i fanauhia e te hoê ino, tei nehenehe ê na e itehia hou te fanauraa, e faatia-faahou-hia ia horo i te mau taote i mua i te ture. E tiaraa râ to to ratou mau metua ia na reira no te titau i te tahi tino moni no te haapao atu i te roaraa o to ratou oraraa. Faaiteraa a te reni Haaretz.com.

Auteralia

I Auteralia, e 8 taata i nia 10 e ora amui ra hou a faaipoipo ai.

Heleni

Ia au i te Piha faatere no te ea i Heleni, ia faaauhia te numera o te taata i haapohe ia ratou i Heleni i na ava‘e matamua e pae o 2011 i to 2010, te vai ra ïa te hoê maraaraa e 40 %. Te tano ra ïa te reira i te haamataraa o te fifi i te pae faaravairaa faufaa i 2011 ra.

Marite

Ia au i te hoê pǔpǔ paruru, te haamâu‘ahia ra fatata e 40 % o te maa. Ei hi‘oraa, e au ra e eita e ootihia e 7 % o te maa hotu, aita atoa e amuhia 17 % o te maa a te mau fare tamaaraa e e faarue te mau utuafare e 25 % o te maa ta ratou e hoo mai.

Matetata

Aita i maoro a‘enei, ua itea mai te hoê moo iti nainai roa ’‘e o te ao nei tei parauhia caméléon i Matetata. No to ratou haihai e 29 milimetera, e tano vetahi i te roaraa o te maiuu o te hoê taata. I te mea e te tuinohia ra to ’na vahi nohoraa, e nehenehe teie animara e ore.