Mavidiyo aamuBbayibbele—Njiisyo Ziyandikana
Tuvidiyo ootu tusandula mibuzyo yamuBbayibbele iiyandikana. Tuvidiyo twiingi tulajanika muzyiiyo zyakabbuku kategwa, Makani Mabotu Aazwa Kuli Leza!
Zintu Zilikujulu Aanyika Zyakalengwa biya Na?
Biingi tabazimvwisisisyi pe nzilyaamba Bbayibbele atala akulengwa kwazintu alubo bamwi babonanga nkubeja. Nzyachoonzyo na nzilyaamba Bbayibbele atala akwakazwa zintu zili kujulu aanyika?
Leza Ulaazina Na?
Leza ulaamazina miingi aakulemeka aswaanizya lyakuti Singuzuzyoonse, Mulengi alyakuti Mwaami. Pesi zina lyaLeza limugeme lijanika kwaziindi zyiinda ku7 000 muBbayibbele.
Kuba Abweenzinyina aLeza Kulakonzeka Na?
Kwaminyaka myiingi, bantu bali aachiyandisyo chakuziba Mulengi wabo. Bbayibbili lilakonzya kutugwasya kuti tube beenzinyina baLeza. Tusaanguna kuba beenzinyina baLeza kwiinda mukuziba zina lyakwe.
Ngwani Wakalemba Bbayibbele?
Kuti kalili lyakalembwa aabantu, nkamboonzi Bbayibbele nilitegwa ndiJwi lyaLeza? Bbayibbele lilaamizeezo yani?
Niinzi Chipa Kuti Tusyome Kuti Bbayibbele Lilaakasimpe?
Tulangilila kuti bbuku lizwa kuli Leza lisiyane aamwi akalembwa aabantu.
Nkamboonzi Leza Naakalenga Nyika?
Nyika yesu izwide zintu zyiingi loko zibotu. Leza wakayibikka aabusena bulikabotu kule azuba, alubo yeenda munzila ilikabotu niizyunguluka. Nkamboonzi Leza naakalenga nyika munzila mbotu oobu?
Bafwide Bali Muchiimo Chilibiyeni?
Bbayibbele lisyomezya kuti kuli chiindi aawo bantu biingi bafwide nibazoobusigwa mbuli mbaakabusigwa Lazaro.
Helo Nindawu Yachoonzyo Yakupenzezya bantu Na?
Bbayibbele litubuzya kuti akaambo kakuti “Leza nduyando” taakwe nanga ulasubula bantu akaambo kakubisya nkubakachita chiindi.
Jesu Kristu nguLeza Na?
Jesu Kristu nguLeza Singuzu Zyoonse na? Naakuti mbantu basiyene?
Jesu Wakafwidaanzi?
Kulakonzeka kuti wakamvwa kuti Jesu wakafwida zibi zyesu, pesi lufu lwamuntu uumwi ngalulagwasya mamiliyoni aabantu na?
Bwaami bwaLeza Niinzi?
Chiindi Jesu naakali kukambawuka, wakayiisya atala aBwaami bwaLeza kwiinda zintu zyoonse. Kwaminyaka myiingi, bantu balikukombela kuti Bwaami oobu buze.
Bwaami BwaLeza Bwakasaanguna Kweendelezya mu 1914
Kwiinda minyaka iili 2 500, Leza kali wazulwida mupolofita kuti alote ng’onzi atala amwaami uuli aamanguzu, bupolofita oobo buli kuzuzikizigwa lino.
Nyika Yachincha Kuzwa mu 1914
Zintu zichitika munyika zili kutondeezya kuti nichoonzyo kuti kuzwa mu 1914 bupolofita bwaBbayibbili bwaamba kuti tuli “kumazuba aamamanino” bulikuzuzikizigwa.
Nkamboonzi Leza Nazumizya Bubi aMapenzi?
Bbayibbele litupa nsandulo ituumbulizya.
Zikombelo Zyoonse Zilatambulika Na Kuli Leza?
Bantu biingi basyoma kuti tazikwe ndaba kufumbwa cheechi njunjila.
Leza Uyanda kuti Tumukombe Katubelesya Zibubwa Na?
Ngazilatupa kuti tuswene afwifwi aLeza ngututaboni na?
Leza Ulazitambula Na Nkombyo Zyoonse?
Ulaziswiilila na nkombyo zyamuntu uyanda kuligwasya lwakwe? Ulamuswiilila na mwaalumi utamujati kabotu mukayintu wakwe chakusisikizya mpawo buzuba butobela wakomba kuli Leza?