AMUBUKE! No. 2 2018 | Nsiswa Zili 12 Zipa Kuti Mpuli Zizwidilile
Nsiswa Zili 12 Zipa Kuti Mpuli Zizwidilile
Kuli zintu zyiingi zipa kuti mpuli zitazwidilili. Pesi niinzi chipa kuti zimwi mpuli kazizwidilila?
Kuzwa mu1990 kusika mu2015 kuUnited States, mweelwe wabantu balekana bali aminyaka yiinda ku50 wakayungizya kwaziindi zibili alubo mweelwe wabantu bali aminyaka yiinda ku65 wakayungizya kwaziindi zitatu.
Bazyali balakataazikana nkaambo bamwi basyaabusongo batii bana beelede kulumbayizigwa chiindi choonse pesi bamwi batii bazyali beelede kuba alunya kubana.
Bachikula biingi balikuswaana buyumu-yumu nibakomena nkaambo teebakayiisigwa zintu zibagwasya kuti bazwidilile mubuumi.
Nikuba boobo, simpe ndyakuti . . .
Bantu bakwetene balakonzya kubotelwa akutalekana.
Bazyali balakonzya kuyiisya bana babo munzila yaluyando.
Bachikula balakonzya kwiiya zintu zikonzya kubagwasya nibakomena.
Kujana zyachitika biyeni? Magazini eeyi iitegwa Amubuke! ipandulula nsiswa zili 12 zigwasya mpuli kuti zizwidilile.
1: Kulipeda
Nzila zitatu zikonzya kugwasya bakwetene kuti bakkale kabali aamwi.
2: Kubelekelaamwi
Muntu ngukwetenaawe umubona kali mbuuli muntu ngukkalaawe luzutu na?
3: Kulemekana
Ziba majwi amichito iipa kuti ngukwetenaawe alimvwe kuti ulalemekwa.
4: Kulekelelana
Niinzi zikonzya kukugwasya kubona zibotu nzyachita ngukwetenaawe kutali zibi nzyakachita?
5: Kwaambuuzyania
Nzila zitatu zikonzya kukugwasya kuti umvwanane abana bako.
6: Kulaya
Kulaya kupa kuti mwana alimvwe katagwasyi na?
7: Zyeelelo Zyakulijata
Nziizili zyeelelo nzuyelede kuyiisya bana bako?
8: Chikozyano
Kuti kuyanda kuti bana bako bakuswiilile weelede kuchita kweendelana anzuwaamba.
9: Kuziba Mbubede
Kujana bachikula bazilwanina biyeni nzibasyoma.
10: Kusyomeka
Kusyomeka kubazyali bako kuchili mukubusi kuyookugwasya kuti kunoosyomeka wazookomena.
11: Kubeleka Changuzu
Kubeleka changuzu kuchili mukubusi kuyookugwasya muzintu zyoonse mubuumi.
12: Zipeekezyo
Kuzuzikizya zipeekezyo kupa kuti ulisyome, usimye bweenzinyokwe abamwi akuti ubotelwe.
Lumwi Lugwasyo Lwampuli
Malayilile aazwa muBbayibbele alakonzya kumugwasya kuti muzwidilile mulukwatano akuti mubotelwe mumpuli.
