Oseas 8:1-14

  • Dí niguáʼníí numuu rí ndiyamajkhún xándú (1-14)

    • Nudu giñánʼ mú rí murajxi̱i̱ nindxu̱u̱ giñámbiʼ (7)

    • “Israel nimbumuu kaʼyoo bi̱ Niʼnii” (14)

8  “¡Atandiyíí chi̱ji̱’!+ Na̱ʼkha̱ mbáa náa goʼwóo Jeobá nindxu̱u̱ xóo mbáa bi̱yú,+numuu rí túnimbaníí rí nimbánuʼ gajmíʼ+ ga̱jma̱a̱ ninújngurámúúnʼ xtángoo ndrígóʼ.+  2  Asndu xígú ethunʼ: ‹¡Dios ndrígúxu̱! ¡Ikháanʼxu̱ bi̱ nindxu̱xu̱ xa̱bu̱ Israel, nuniʼníínʼxu̱!›.+  3  Israel niʼni gaʼduunʼ mbá rí májánʼ.+ Mbáa xa̱bu̱ sia̱nʼ gaʼga raxkoo.  4  Na̱nguá nirajxu̱ʼ xóo kaʼnii ikhiin nidri̱gi̱i̱n reyes. Nidri̱gi̱i̱n príncipes, mú na̱nguá nithunʼ. Plata ga̱jma̱a̱ oro rí guáʼdáá nijmún mu muni̱i̱ xándú+rí maʼga kagui̱i̱n makhañún.+  5  Samaria, na̱nguá nixtri̱guíi xándiáaʼ bi̱ nindxu̱u̱ xóo a̱ʼdá xédí.+ Samaria, ra̱ʼkhá tháán kasngáñu̱ʼ ka̱ya̱a̱ʼ.+ Nguáná gájmáán matani̱ kaʼwu mina̱a̱ʼ rá.  6  Rúʼko̱ ni̱ʼkha̱ náa Israel. Niʼni mbáa xa̱bu̱ bi̱ najmañuu naʼni ñajunʼ mitsaanʼ,* na̱nguá nindxu̱u̱ mbáa Dios.Xándú bi̱ gíʼdaa Samaria bi̱ nindxu̱u̱ xóo a̱ʼdá xédí majmigui̱i̱.  7  Numuu rí kúwá rudu giñánʼrí murajxi̱i̱ mani̱ndxu̱u̱ giñámbiʼ.+ Nimbá iña tséxná tsígáʼ nikhi̱i̱,+rí naxná tségájnuu harina. Á mu rígá dí naxná, mu̱phu̱ rajngúúnʼ xa̱bu̱ bi̱ naguwaáʼ.+  8  Israel maguma gámbáa.+ Dí xúgi̱ maxtáa náa majñu̱u̱ʼ i̱ʼwáʼ xuajin+xóo mbá vaso rí nimbáa tsíyóo gáʼyoo.  9  Numuu rí nitsimún náa Asiria+ xóo mbáa búrru xáná bi̱ jngruigo̱o̱ mbáwíí. Efraín niʼni numún gu̱ʼu̱ mu mani̱ndxu̱ún ñawiin.+ 10  Maski má ñawiin bi̱ ni̱jma̱ numún kúwá náa i̱ʼwáʼ xuajin,rí xúgi̱ magímbíin,mugíʼdi̱i̱ mumíniiʼ+ ga̱jma̱a̱ numuu dí rey ga̱jma̱a̱ príncipes nixieʼdúúnʼ muda. 11  Efraín ni’ni mbaʼa náa mikarámáʼ tsigijñaʼ, xúʼko̱ má niʼni itháan aʼkhá.+ Xó má mbaʼa náa nakarámáʼ tsigijñaʼ rí gíʼdoo, xúʼko̱ má mbaʼa aʼkhá nikudaminaʼ.+ 12  Mbaʼa nuthu ninirámáʼ kuduun xtángoo* ndrígóʼ,mú na̱nguá nixmiéjúúnʼ kuyáá xtángoo ndrígóʼ.+ 13  Ikhiin nixnajxu̱ʼ tsigijñaʼ mú ikhiin má e̱ʼphu̱ xuwiʼ,Jeobá nditháan tsénigu̱u̱ʼ ga̱jma̱a̱ numuu xúgíʼ rígi̱.+ Dí xúgi̱ ikhaa marmáʼáan a̱jkiu̱u̱n kaʼyoo rí nikiéʼkhúún ga̱jma̱a̱ maʼni rí mumíniiʼ ga̱jma̱a̱ numuu rí nixu̱da̱mi̱jna̱ aʼkhá.+ Nitangiín* náa Egipto.+ 14  Israel nimbumuu kaʼyoo bi̱ Niʼnii+ ga̱jma̱a̱ niʼni mbaʼa guʼwá náa mbiʼyamajkhúún eʼwíinʼ dioses,+Judá ma̱ngaa niʼni mbaʼa xuajin rí kúgumaʼá.+ Mú makuʼmá mbá aguʼ náa xuajñún,aguʼ rígi̱ maʼni gámbáa mámbá torre ndrígóo xuajñún”.+

Mbaʼa nota

^ O “nagui̱i̱”.
^ O “ikha”.
^ O mbáa “Matangi̱ín”.