Oseas 4:1-19
4 Gúdxawíín ajngóo Jeobá, xa̱bu̱ xuajin Israel,numuu rí Jeobá gíʼdoo mbá xkujndu rí maʼnimbánuu numún xa̱bu̱ xuajin náa mandi̱ʼi̱ínʼ cuenta,numuu rí náa xuajin nda̱a̱ rí gajkhun ni má ngajua rí tsétumuu* ni má ku̱ma̱ ndrígóo Dios.
2 Ga̱jma̱a̱ tsénimbáníí ajngún, nuni̱ nduwaʼ, nuradíin xa̱bu̱,nuni̱ kuʼwáʼ ga̱jma̱a̱ nuni̱ aʼkhá gajmiún eʼwíinʼ asndu náá,ma̱ngaa nángi eʼni nuradimíjná xa̱bu̱.
3 Ikha jngóo xuajin maxtáa ngínága̱jma̱a̱ xúgíinʼ xa̱bu̱ makhañúnxujkhú xáná, xujkhúʼ xnaʼ bi̱ jngruigu̱u̱n rijma̱a̱asndu e̱gi̱ʼ bi̱ kúwá náa lamáa* makhañún.
4 “Mú nimbáa xa̱biya̱ xákudaminaʼ xkujndu ga̱jma̱a̱ i̱mba̱a̱ ni má xáríyúu,numuu rí xuajñaanʼ nindxu̱ún xóo bi̱ nagiʼdu̱u̱n gajmiún mbáa ndxajkun.
5 Ikha jngóo majngrádáánʼ ga̱jma̱a̱ maxpátri̱ga̱a̱n maski ajndu mbiʼi,profeta* ma̱ngaa majngrádaaʼ maxpátri̱ga̱a̱ xóo mbáa xa̱bu̱ naxpátri̱ga̱a̱ rí mbruʼun.
Ga̱jma̱a̱ ru̱dáaʼ* ma̱ni̱ gámbáa.
6 Numuu rí nda̱a̱ ku̱ma̱, ikha jngóo xuajñunʼ maguma gámbáa.
Xó má ikháán nitani̱ gaʼduunʼ ku̱ma̱,ikhúún ni xáʼndoʼ rí mani̱ndxa̱a̱ʼ ndxajkun ndrígióʼ.
Numuu rí nimbumaaʼ xtayáá xtángoo* ndrígóo Dios ndrígáaʼ,ikhúún mambumuʼ kañun ejña̱a̱nʼ.
7 Índo̱ itháan ejkha̱ raʼni mbaʼin itháán má xu̱da̱mi̱jna̱ aʼkhá náa ikhúún.
Na̱nguá exnuʼ gamajkhu i̱ndó nuni̱ májtiu̱u̱nʼ.
8 Índo̱ xa̱bu̱ nuxudamijná aʼkhá ndxajkun naʼphu̱ xuwiʼ,*ikhiin nandún rí xa̱bu̱ muxudamijná má xúʼko̱ aʼkhá.
9 Xa̱bu̱ xuajin ga̱jma̱a̱ ndxajkun mugíʼníí ikháá kayuuʼ,mandi̱ʼi̱i̱n cuenta ga̱jma̱a̱ xóo rí nuni̱ma̱ni̱ rí ikhiin má gúda̱a̱ʼ ga̱jma̱a̱ numuu dí raʼkhí nuni̱.
10 Muphiʼtsu mú xágiʼmún,mubúúnʼ xkawiʼ káyúuʼ gajmiún eʼwíinʼ* mú xáʼni mbaʼin,numuu rí na̱nguá ndiyamajkuíí Jeobá.
11 Rí nugujuamíjná, vino wayuu ga̱jma̱a̱ vino nuxi̱ʼnaʼni rí xátani̱ dí májánʼ.*
12 Xa̱bu̱ xuajñunʼ nurajxu̱u̱n xándú bi̱ nigumiin ga̱jma̱a̱ ixi̱ga̱jma̱a̱ nuni̱ rí naʼthúún mbá xkuíyá,*numuu rí nagua̱ʼa̱ wéñuuʼ mubúúnʼ gajmiún eʼwíinʼ naʼni rí magajnuriñu̱u̱ʼga̱jma̱a̱ numuu rí nugujuamíjná naʼni rí xúni̱ rí nandoo Dios.
13 Nuxnajxi̱ tsigijñaʼ náa kúbá rí mitsídánʼga̱jma̱a̱ nurkuníí tsigijñaʼ náa bíjnínáa agoo ixi̱ robles xúʼko̱ má náa ixi̱ estoraques asndu kaʼnii má agoo ixi̱ mba̱ʼu̱,numuu rí gíʼdoo xkamijxoo.
Ikha jngóo waʼxiinʼ nugujuamíjnáxúʼko̱ ma gu̱jkui̱i̱nʼ nuni̱ aʼkhá gajmiún eʼwíinʼ.*
14 Xándi̱ʼi̱ín cuenta waʼxiinʼ ga̱jma̱a̱ numuu rí nugujuamíjnáxúʼko̱ ma gu̱jkui̱i̱nʼ ga̱jma̱a̱ numuu rí nuni̱ aʼkhá gajmiún eʼwíinʼ.
Numuu rí xa̱bekha nagún gajmiún gu̱ʼu̱ bi̱ nugujuamíjnánuxnajxi̱ tsigijñaʼ gajmiún gu̱ʼu̱ bi̱ nugujuamíjná.*
Mbá xuajin xóo rígi̱, bi̱ ragíʼdoo nimbá ku̱ma̱, maguma gámbáa.
15 Israel, maski ajndu natagujuamínáʼ,mú xátatsíʼñááʼ rí Judá makudaminaʼ ikháá má aʼkhá.
Xáguwaʼla náa Guilgal, ni má náa Bet-Aven,ni má xútha ‹¡Na̱xna̱ ajngóʼ ga̱jma̱a̱ numuu mbiʼyuu Jeobá!›.
16 Xó má gújkhúʼ a̱jkiu̱u̱n mbáa xujkhúʼ* xúʼko̱ nijkanú ninindxu̱u̱ a̱jkiu̱u̱n Israel.
Lá ma̱ndoo rí xúgi̱ Jeobá mañewu̱u̱n náa mbaaʼ rí ma̱ja̱nʼ xóo mbáa mugu̱ ráʼ.
17 Efraín ndaʼyamajkhún xándú.
¡Atatsiñáʼ!
18 Índo̱ naguámbá cerveza* ndrígóo,nabóoʼ xkawiʼ kayuuʼ gajmíi̱n gu̱ʼu̱.
Ga̱jma̱a̱ xa̱bu̱ ñajunʼ* ndrígu̱ún nanigu̱u̱nʼ muni̱ rí ma̱jti̱ʼ.
19 Giñánʼ mambráʼaa ga̱jma̱a̱ xpíjpiúu mu maʼga kayáaikhaa mati̱yu̱u̱ʼ gáʼni tsigijñaʼ dí naxnájxi̱”.
Mbaʼa nota
^ O “mar”.
^ O “gaʼyee, bi̱ naʼthí dí marigá”.
^ O “nániáaʼ”.
^ O “ikha”.
^ Xóo muʼthá, tsigijñaʼ dí nuxnajxi̱ ga̱jma̱a̱ numuu aʼkhá.
^ Náa ajngáa hebreo naʼthí, “naríyaʼ kaʼyáaʼ a̱jkia̱a̱nʼ”.
^ O “xkuíyá rí najmuu mbáa xa̱bu̱ xawan”.
^ “A̱ʼgu̱ o xa̱biya̱ bi̱ nagujuamínáʼ náa templo, bi̱ nundawamíjna̱ ga̱jma̱a̱ kiʼsngáa rí nduwaʼ”.
^ Náa ajngáa hebreo naʼthí, “xedi̱”.
^ O “cerveza dí niguma ga̱jma̱a̱ trigo”.
^ Náa ajngáa hebreo naʼthí, “escudo”.
