Oseas 5:1-15

  • Rí magíʼnuu Efraín ga̱jma̱a̱ Judá (1-15)

5  “Ndxajkun, gudxawíínla rígi̱,bi̱ kuwáanʼ náa goʼwóo Israel, guxnatíʼñamijná mudxawíínla,bi̱ kuwáanʼ náa goʼwóo rey, gudxawíínla. Ikháanʼ nindxa̱la bi̱ nijuiʼthá rí maguáʼníí,numuu rí ikháanʼ nindxa̱la mbá tsáʼkhá náa Mizpámbá amaʼ dí kri̱ga̱ tujngaa náa Tabor.  2  Bi̱ nixuximíjna* niradíin mbaʼin xa̱bu̱,xúgíinʼ ikhiin na̱thu̱u̱n má ndiéjuunʼ gúgíʼníín.*  3  Ikhúún naniʼníiʼ Efraín,Israel na̱nguá xtáa ngo̱ʼo̱o̱ náa ikhúún. Numuu rí xúgi̱, ikháán Efraín, nitabáaʼ xkawiʼ kayuuʼ* gajmiáanʼ eʼwíinʼ,Israel niʼni tsagaminaʼ.  4  Rí xóo nuni̱ tséniñúúnʼ matangi̱ín náa Dios ndrígu̱ún,numuu rí ikhiin i̱ndó nandún mugujuami̱jna̱,ga̱jma̱a̱ nimbá gamajkhu tséxnáá Jeobá.  5  Rí naʼnimbamínáʼ Israel naʼthí xú kaʼnii nindxu̱u̱,*xó má Israel ga̱jma̱a̱ Efraín nijnguti̱gi̱i̱n ga̱jma̱a̱ numuu aʼkhúún,Judá ma̱ngaa mbóó nixpátri̱ga̱a̱ gajmíi̱n.  6  Nigún gajmiún mugiu̱ún ma̱ngaa xediu̱ún mu mbuyáaʼ Jeobá,mú na̱nguá niʼngu̱u̱n gúxkamaa. Ikhaa nitsíngu̱u̱nʼ náa ikhiin.  7  Nininduwaaʼ Jeobá,numuu rí ikhiin niguáʼdiin e̱ji̱n gajmiún gu̱ʼu̱ bi̱ naguwaáʼ.* Rí xúgi̱, mbá igu̱nʼ maʼni gámbíin ikhiin* ga̱jma̱a̱ mbañúúnʼ.  8  ¡Gundi̱yíí chi̱ji̱ʼ náa Guibeá, gudi̱i̱la trompeta náa Ramá! ¡Gundxa̱ʼwa̱ mu muxmijná náa Bet-Aven! ¡Náa kidxaaʼ ikháán Benjamín!  9  Ikháán Efraín, mbiʼi rí matamíniiʼ mi̱dxu̱ʼnú mani̱ndxa̱a̱ʼ mbá gamíi náa eʼwíinʼ. Ni̱tha̱ má náa majñu̱u̱ʼ xuajin majkhaʼ* ndrígóo Israel dí gajkhun maʼga̱nú marigá. 10  Príncipes ndrígóo Judá nindxu̱ún xóo bi̱ nuyexingaa tsinaʼ dí tri̱ga̱ náa ndawaa. Maxidirámúunʼ dí nakásngañu̱ʼ náa ikhiin xóo iyaʼ. 11  Efraín namínúuʼ, nagumaa xó má kaʼyoo,numuu dí niraʼwíí maʼga kidxuuʼ bi̱ sia̱nʼ ga̱jma̱a̱. 12  Ikha jngóo ni̱jkhá xóo ruxi* náa Efraínga̱jma̱a̱ xóo mbá rí naʼga náa goʼwóo Judá. 13  Índo̱ Efraín ndiʼyoo nandii rí guáʼdáála ga̱jma̱a̱ Judá ndiʼyoo skha rí kudala,Efraín ni̱jkha̱ náa Asiria nikuʼma ajngáa náa inuu mbáa rey bi̱ gíʼdoo numuu. Mú ikhaa táʼngo̱o̱ gáʼni tanala,ni má táʼngo̱o̱ gáʼni thanuu ska rí kudala. 14  Ikhúún maʼgánú mani̱ndxu̱ʼ mbáa león náa Efraínxóo mbáa león gújkuiiʼ* náa Judá. Ikhúún mínuuʼ marujkhuiin ga̱jma̱a̱ maʼgáaʼ,maʼgáaʼ kagui̱i̱n ga̱jma̱a̱ nimbáa xáʼngo̱o̱ gáʼni káwíin. 15  Maʼgáaʼ ga̱jma̱a̱ matanga̱án náa rí xtáá asndu índo̱ gúmíníinʼ ga̱jma̱a̱ numuu aʼkhá rí nixudami̱jna̱,ikhiin mbuyáʼ rí ikhúún maʼni a̱jkiu̱nʼ ka̱ñu̱u̱n.* Índo̱ gúmíníinʼ ikhiin mbuñúunʼ”.

Mbaʼa nota

^ O “Bi̱ nusngáa rí minduwaʼ”.
^ O “maxprígún”.
^ Atayáá glosario, nubúúnʼ xkawiʼ kayuuʼ.
^ Náa ajngáa hebreo naʼthí, “inuu”.
^ Náa ajngáa hebreo naʼthí, “e̱ji̱n bi̱ naguwaáʼ”.
^ O mbáa “mbá igu̱nʼ maguma gámbíin ikhiin”.
^ O “tribu”.
^ Ruxi bugi̱ nindxu̱u̱ xóo ruxi bi̱ xtáa náa Israel, mbáa xujkhúʼ chíʼgíiʼ bi̱ gíʼdoo a̱jkhu̱ xniuunʼ bi̱ xóo bijphí kaʼnii ga̱jma̱a̱ ikhaa na̱ʼkhu̱ xtíin.
^ O “león bi̱ gíʼdoo xtátsiu̱u̱n náa aphuu”.
^ Náa ajngáa hebreo naʼthí, “inuʼ”.

Copyrights ndrígóo i̱yi̱i̱ʼ rígi̱